ज्ञानमाण्डू। विजय लघुवित्त वित्तीय संस्था लिमिटेडको नाफा १०३.७२ प्रतिशतले बढेकाे छ । आ.व. २०७६/७७ को चौथो त्रैमास सम्ममा लघुवित्तले ५ करोड ८१ लाख रुपैयाँ नाफा कमाएको थियो भने आ.व. २०७७/७८ को चौथो त्रैमास सम्ममा लघुवित्तले ११ करोड ८४ लाख रुपैयाँ नाफा कमाएको देखिन्छ ।
२६ करोड ६५ लाख रुपैयाँ चुक्ता पुँजी रहेको विजय लघुवित्तले ९९ करोड ३९ लाख रुपैयाँ निक्षेप संकलन गरी ४ अर्ब ३१ करोड रुपैयाँ कर्जा लगानी गरेको छ। त्यस्तै, विजय लघुवित्तले २ अर्ब ९० करोड रुपैयाँ सापटी लिएकाे छ भने जगेडा कोषमा १७ करोड ३३ लाख रुपैयाँ रहेको छ ।
विजय लघुवित्तको व्यवसाय विस्तारबाट हुने खुद ब्याज आम्दानी ७४.२५ प्रतिशतले बढेर ३८ करोड १ लाख रुपैयाँ पुगेकाे छ । लघुवित्तमा निष्कृय कर्जा अनुपात ४.६६ प्रतिशत छ । लघुवित्तको प्रतिशेयर आम्दानी ४४ रुपैयाँ ४३ पैसा रहेको छ भने प्रतिशेयर नेटवर्थ १६५ रुपैयाँ छ र पछिल्लाे काराेबार मूल्य रू १८३५ काे आधारमा मूल्य आम्दानी अनुपात ४१.३० गुणा रहेको छ ।
