मिति २०८० साल वैशाख १ गते देखि नेपालमा वुवा केयर. कम नामक संस्थाको सुरुवात भएको छ । विशेष गरी ५५ वर्ष देखि माथि उमेर समूहका मानिसहरूलाई लक्षित गरी वुवा केयर.कम ले स्वास्थ्य, मनोरञ्जन तथा नेपाल तथा भारतका प्रमुख तीर्थस्थल दर्शन गराउने र उक्त उमेर समूहका मानिसहरूलाई शारीरिक, मानसिक तथा सामाजिक रूपमा स्वस्थे बनाउने उद्देश्यले संस्थाको सुरुवात गरिएको उक्त संस्थाका अध्यक्ष श्री डा. अनाम प्याकुरेलले जानकारी गराउनुभएको छ । व्यस्त जीवन शैलीका कारणले पारिवारिक वुवा आमाहरूको सामाजिक जीवनलाई गुणस्तरीय बनाउनका लागि वुवाकेयर.कमले विशेष सहयोगी भूमिका खेल्ने विश्वास लिएको कम्पनीले जनाएको छ ।
क. स्वास्थ्य सेवा :
१. घरमै बसी बसी सम्पूर्ण स्वास्थ्य समस्याहरूको पहिचान तथा निदानको लागि गुणस्तरीय तथा सर्वसुलभ रूपमा शारीरिक जाँचको व्यवस्था गराउने छ ।
२. आकस्मिक अवस्था तथा विशेषज्ञ डाक्टरको परामर्श अनलाइन तथा आवश्यक परेमा घरमै गएर समेत स्वास्थ्य सेवा पुर्याउने उद्देश्य राखेको छ ।
३. डाक्टरका परामर्श पश्चात् आवश्यक पर्ने सम्पूर्ण औषधिहरूको घरमै डेलिभरीको व्यवस्था गरेको छ ।
ख. मनोरञ्जन :
१. वुवाकेयर.कमका सदस्यहरूको जन्मदिन, वैवाहिक वार्षिकोत्सव, तथा अन्य विशेष अवसरहरूको आयोजना गरी सामूहिक रूपमा सदस्यहरूमाझ मनाउने छ ।
२. विभिन्न पर्यटकीय क्षेत्रहरूको अवलोकन भ्रमणको व्यवस्था समेत प्रबन्ध गरी सदस्यहरूलाई घुमाउनेछ ।
ग. तीर्थस्थल भ्रमण :
१. वुवाकेयर.कमका सदस्यहरूलाई समय समयमा नेपाल तथा भारतका तिर्थस्थलहरुको दर्शन भ्रमणको व्यवस्था समेत प्रबन्ध गरी सदस्यहरूलाई घुमाउनेछ ।
यस प्रकार वुवाकेयर.कमले आफ्ना सदस्यहरूलाई आफ्ना सन्तानको व्यस्त दैनिकीका बाबजुद पनि शारीरिक,मानसिक तथा सामाजिकरुपमा सेवा प्रदान गरी स्वस्थे समाज निर्माण गर्नका लागि महत्त्वपूर्ण भूमिका खेल्ने कम्पनीले बताएको छ ।
