ज्ञानमाण्डू। अपि पावर कम्पनी लिमिटेडको आवेदन नपरेका केही हकप्रद शेयरहरू जेष्ठ १८ गते देखि जेष्ठ २६ गते सम्म लिलामी प्रक्रियाबाट विक्री हुने भएक छन् । कम्पनीले हकप्रद १ बराबर ०.३९३६ को अनुपातमा हकप्रद शेयर चैत्र २५ गते देखि बैशाख १५ गतेसम्म बिक्री खुल्ला गरेकोमा सर्वसाधारण समूहतर्फ ४ लाख ४९ हजार ३२८ कित्ता शेयरको लागि आवेदन नपरेकाले उक्त शेयर लिलामी प्रक्रियाबाट विक्री गर्न लागेको हो।
शेयरको न्यूनतम मूल्य प्रति शेयर रु.१००/- तोकिएको हुँदा सो वा सो भन्दा बढी मूल्य अङ्कित गरी शिलबन्दी बोलपत्र पेश गर्नुपर्नेछ । बोलपत्र पेश गर्दा न्यूनतम १०० कित्ताको लागि आवेदन दिनुपर्नेछ भने अधिकतम शेयर संख्याको लागी कुनै हद नलाग्ने कम्पनीले जनाएको छ ।
इच्छुक आवेदकहरूले अपि पावर कम्पनी लिमिटेड, ट्रेड टावर, थापाथली, काठमाडौँ, मुक्तिनाथ क्यापिटल लिमिटेडको कार्यालय नक्साल, काठमाडौँ र मुक्तिनाथ विकास बैंकको शाखा कार्यालय ठिमी–भक्तपुर, कुमारीपाटी–ललितपुर, इटहरी, इलाम, पोखरा, बुटवल, विराटनगर, वीरगन्ज, नारायणगढ, सुर्खेत, नेपालगन्ज, धनगढी र जनकपुर बाट पनि आवेदन प्राप्त गर्न र बुझाउन सक्नेछन्।
सो कम्पनीको शेयरकाे शिलबन्दी बोलपत्र पेश गर्ने अन्तिम मिति जेष्ठ २६ गते सम्म रहेको कम्पनीले जनाएको छ भने शेयर विक्री प्रबन्धकमा मुक्तिनाथ क्यापिटल लिमिटेड रहेको छ ।
