ज्ञानमाण्डू।नेपाल स्टक एक्सचेन्ज (नेप्से)मा मङ्गलबार फागुन २५ गतेका दिन एक वाणिज्य बैंक सहित एक विकाश बैंकको बोनस शेयर सूचीकृत भएको छ । नेपाल स्टक एक्सचेन्जमा मङ्गलबार एनएमबि बैंक सहित ज्योति विकास बैंकको कुल २ करोड २२ लाख ७७ हजार ३७२ दशमलव ३ कित्ता बोनस शेयर सूचीकृत भएको हो ।
मङ्गलबार सूचीकृत भएको एनएमबि बैंक लिमिटेडले आर्थिक वर्ष २०७६/७७ को नाफाबाट १३ प्रतिशतले हुन आउने बोनस शेयर आफ्ना शेयरधनी तथा लगानिकर्ताहरु माझ वितरण गरेको थियो । बैंकको सोहि बोनस शेयर नेप्सेमा मंगलबार सूचीकृत भएको हो।नेपाल स्टक एक्सचेन्जमा मंगलबार एनएमबि बैंकको कुल १ करोड ८७ लाख ८२ हजार ७८ दशमलव ८६ कित्ता बोनस शेयर सूचीकृत भएको हो ।
त्यस्तै, सूचीकृत भएको ज्योति विकास बैंक लिमिटेडले आर्थिक वर्ष २०७६/७७ को नाफाबाट १० प्रतिशतले हुन आउने बोनस शेयर आफ्ना शेयरधनी तथा लगानिकर्ताहरु माझ वितरण गरेको थियो । बैंकको सोहि बोनस शेयर नेप्सेमा मंगलबार सूचीकृत भएको हो।नेपाल स्टक एक्सचेन्जमा मंगलबार ज्योति विकास बैंकको कुल ३४ लाख ९५ हजार २९३ दशमलव ४४ कित्ता बोनस शेयर सूचीकृत भएको हो ।
