ज्ञानमाण्डू। सुमधुर स्वरकी धनी गायिका अर्चना विष्ट ढकालको पहिलो साङ्गीतिक कोसेली "दन्ते कथामा" युट्युबमार्फत सार्वजनिक भएको छ । नेपाली सुगम सङ्गीतको चम्किलो आकाशमा नयाँ तारा थप्ने कोसिसका साथ अनवरत साङ्गीतिक साधनामा तल्लीन उनी सङ्गीतको प्राज्ञिक अध्ययनमा पनि लागेकी छन् ।
हाल उनी सङ्गीतमा स्नातकोत्तर तहको अन्तिम सेमेस्टरको परीक्षा दिएर नतिजाको पर्खाइमा छिन । युट्युबमार्फत हिजो बिहीबार रिलिज गरिएको यस गीतमा शब्द तथा सङ्गीत कुमार सिन्जाली मगरको रहेको छ भने म्युजिक एरेन्जको काम भबिन ढुङ्गानाले गरेका छन् । ब्लिस स्टुडियोमा रेकर्डिङ गरिएको गीतको रेकर्डिङ तथा मिक्सिङ्गको काम अमृत भट्टले गरेका छन् भने मास्टरिङ्गको काम कर्साङ लामाले गरेका छन् ।
