ज्ञानमाण्डू।स्पेनिस कोपा डेल रेको उपाधि भ्यालेन्सियाले हात पार्न सफल भएको छ । कोपा डेल रेको फाइनलमा बार्सिलोनालाई पराजित गर्दै भ्यालेन्सियाले उपाधि जितेको हो । शनिबार राति भएको खेलमा भ्यालेन्सियाले बार्सिलोनालाई २-१ गोल अन्तरले पराजित गर्दै उपाधि उचालेको हो।
भ्यालेन्सियालाई उपाधि दिलाउन केभिन गेमिरो र रोडि्रगोले गोल गरे । यता, बार्सिलोनाका लागि कप्तान मेस्सीले गोल गरेका थिए ।
खेलको २१ औ मिनेटमा केभिन गेमिरोको गोलबाट भ्यालेन्सियाले अग्रता लिन सफल बन्यो । भ्यालेन्सियाका लागि ३३ औं मिनेटमा रोड्रिगोले अर्को गोल थप्दै अग्रतालाई दोब्बर बनाएका थिए । पहिलो हाफमा नै दोब्बर अग्रता बनाएको भ्यालेन्सियालाई रोक्न बार्सिलोनाले रोक्न भने सकेन । खेलको दोस्रो हाफ, ७३ औ मिनेटमा लियोनल मेस्सीले गोल गर्दै बार्सिलोनालाई खेलमा फर्काउने कोशिश गरेपनि त्यो पर्याप्त रहन सकेन ।
त्यसैगरि, बाँकी समयमा अर्को गोल थप्न नसक्दा बार्सिलोना भ्यालेन्सियासँग २-१ गोलअन्तरले पराजित भएको हो । पराजयसंगै सिजनको दोस्रो उपाधि जित्ने बार्सिलोनाको सपना अधुरै रह्यो ।
