ज्ञानमाण्डू।सन् २०२० मा आयोजना हुने युरो कपको छनोटमा स्पेनले जित निकालेको छ । स्पेनले बिहीबार राति घरेलु टोली रोमानियालाई २–१ ले पराजित गर्दै समूह ‘एफ’ मा लगातार पाँचौँ जित निकाल्न सफल भएको हो । रोमानियाको मैदानमा स्पेनलाई जित दिलाउन सर्जियो रामोस र पाको अल्कासरले एक एक गोल गरे भने रोमानियाका फ्लोरिन इन्डोनले एक गोल फर्काए ।
खेलको २९ औँ मिनेटमा रामोसले पेनाल्टीमा गोल गर्दै स्पेनलाई अग्रता दिलाएका थिए । खेलको ४७ औँ मिनेटमा अल्कासरले गोल गर्दै स्पेनको अग्रता दोब्बर बनाउन सफल भए । दुई गोलसँगै स्पेनले पहिलो हाफसम्म रोमानियालाई २-० अन्तरले पछि पर्यो ।
खेलको दोस्रो हाफको ५९ औँ मिनेटमा रोमानियाका फ्लोरिनले जवाफी गोल गर्दै खेल २-१ मा ल्याए । त्यसपछि खेलमा दुवै टोलीबाट थप गोल हुन नसक्दा स्पेनले २-१ को जित निकाल्न सफल भयो ।
यता खेलको ७९ औँ मिनेटमा डिएगो लोरेन्टोले रातो कार्ड पाउँदा स्पेन १० खेलाडीमा समेटिएको थियो ।जितसँगै समूह 'एफ' मा स्पेनले अपराजित यात्रा कायम राखेको छ । स्पेनको यो छनोटमा पाँचौँ जित हो । स्पेनले ५ खेलबाट १५ अङ्क जोडेको छ । स्पेन शीर्ष स्थानमा छ भने ५ खेलमा ७ अङ्क जोडेको रोमानिया चौथो स्थानमा छ ।
