ज्ञानमाण्डू। लक्ष्मी म्युचुअल फण्डअन्तर्गत सञ्चालन हुने शुभ लक्ष्मी कोष साउन १९ गते (आज) देखि निष्कासन गरेको छ। शुभ लक्ष्मी कोषकाे निष्कासन बन्द हुने मिति (छिटोमा) साउन २३ रहेको छ भने उक्त अवधिभित्र माग बमोजिम आवेदन नपरेमा भदाै २ गते सम्म आवेदन म्याद थपिने कम्पनीले जनाएकाे छ।
कम्पनीले निष्कासन गर्न लागेकाे कुल इकाई ५ करोड इकाई मध्ये न्यूनतम ७५ लाख वा कुल बिक्री भएको इकाई सङ्ख्याकाे न्यूनतम १५ प्रतिशत कोष प्रवर्द्धक लक्ष्मी बैंक लिमिटेडलाई सुरक्षित राखी बाँकी न्यूनतम ४ करोड २५ लाख इकाई मध्ये प्रथम चरणमा सर्वसाधारणलाई १ करोड ७५ लाख इकाई यस विवरण पुस्तिकाको शर्तानुसार सार्वजनिक रुपमा बिक्रीका लागि खुल्ला गर्न लागेको कम्पनीले जनाएकाे छ ।
सो कम्पनीले प्रति इकाई मूल्य रू. १०/- अंकितका दरले न्यूनतम १०० देखि अधिकतम ५० लाख इकाईसम्म आवेदन दिन पाउने व्यवस्था रहेकाे जनाएकाे छ ।
यस फण्डकाे इकाई खरीदका लागि नेपाल धितोपत्र बोर्डबाट अनुमति लिएका र आस्वा (ASBA) सेवामा सहभागी बैङ्क तथा वित्तीय संस्थाहरू र तिनका शाखा कार्यलयहरूबाट पनि आवेदन पेस गर्न सकिनेछ।
यस फण्डकाे धिताेपत्र निष्कासन तथा बिक्री प्रबन्धक लक्ष्मी क्यापिटल मार्केट लिमिटेड रहेको छ।
.JPG)
