ज्ञानमाण्डू। आर्थिक वर्ष २०७७/७८ को चौथो त्रैमासको वित्तीय विवरण सार्वजनिक गरेका दुई वटा विकास बैङ्कहरू कामना सेवा विकास बैङ्क र महालक्ष्मी विकास बैङ्कलाई आ. व. २०७६/७७ र आ. व. २०७७/७८ को चौथो त्रैमासको वित्तीय विवरणका आधारमा एक आपसमा तुलना गर्ने प्रयास गरिएको छ ।
चुक्ता पुँजी: आ. व. २०७६/७७ को चौथो त्रैमासको तुलनामा, महालक्ष्मी विकास बैङ्कको चुक्ता पुँजी ८.८० प्रतिशतले बढेर ३ अर्ब ३४ करोड रुपैयाँ पुगेको छ भने कामना सेवा विकास बैङ्कको चुक्ता पुँजी ४.४० प्रतिशतले बढेर २ अर्ब ६५ करोड रुपैयाँ कायम भएको छ ।
निक्षेप संकलन: ४४ अर्ब ४५ करोड रुपैयाँ निक्षेप सङ्कलन गरी कामना सेवा विकास बैङ्क निक्षेप सङ्कलनमा महालक्ष्मी विकास बैङ्क भन्दा अगाडि रहेको छ । महालक्ष्मी विकास बैङ्कको निक्षेप सङ्कलन भने ३८ अर्ब ६० करोड रुपैयाँ रहेको छ । आ. व. २०७६/७७ को चौथो त्रैमासको तुलनामा कामना सेवा विकास बैङ्कले ३९.३२ प्रतिशतले र महालक्ष्मी विकास बैङ्कले ४.४१ प्रतिशतले निक्षेप सङ्कलनमा वृद्धि गरेको देखिन्छ ।
कर्जा लगानी: कामना सेवा विकास बैङ्कले ३८ अर्ब ८२ करोड रुपैयाँ कर्जा लगानी गर्दा महालक्ष्मी विकास बैङ्कले भने ३० अर्ब १० करोड रुपैयाँ कर्जा लगानी गरेको छ । आ. व. २०७६/७७ को चौथो त्रैमासको तुलनामा कामना सेवा विकास बैङ्कले आक्रामक रूपमा ४९.७७ प्रतिशतले कर्जा लगानीमा वृद्धि गरेको देखिन्छ भने महालक्ष्मी विकास बैङ्कले भने २.२७ प्रतिशतले कर्जा लगानी बढाएको छ ।
खुद ब्याज आम्दानी: महालक्ष्मी विकास बैङ्कले व्यवसाय विस्तारबाट कामना सेवा विकास बैङ्कले भन्दा बढी खुद ब्याज आम्दानी गरेको छ। महालक्ष्मी विकास बैङ्कले १ अर्ब ५६ करोड रुपैयाँ र कामना सेवा विकास बैङ्कले १ अर्ब ४९ करोड खुद ब्याज आम्दानी गरेका छन् । खुद ब्याज आम्दानीमा कामना सेवा विकास बैङ्कले २९.९२ प्रतिशतको वृद्धि हासिल गर्दा महालक्ष्मी विकास बैङ्कले १.५० प्रतिशतले खुद ब्याज आम्दानी वृद्धि गरेको छ ।
नाफा: महालक्ष्मी विकास बैङ्कले ७३ करोड २९ लाख रुपैयाँ नाफा कमाउन सफल भएको छ भने कामना सेवा विकास बैङ्कले ७० करोड रुपैयाँ नाफा कमाएको देखिन्छ । कामना सेवा विकास बैङ्कले ४८४.९० प्रतिशतले नाफा वृद्धि गर्दा महालक्ष्मी विकास बैङ्कले ७१.०२ प्रतिशतले नाफा वृद्धि गर्न सफल भएको छ ।
जगेडा कोष: महालक्ष्मी विकास बैङ्कले जगेडा काेषलाई ११.८४ प्रतिशतले बढाएर १ अर्ब ५९ करोड रुपैयाँ कायम गरेको छ भने कामना सेवा विकास बैङ्कले जगेडा काेषलाई ५५.१७ प्रतिशतले बढाएर ८४ करोड ४३ लाख रुपैयाँ पुर्याएकाे छ।
सञ्चित मुनाफा: कामना सेवा विकास बैङ्कको सञ्चित मुनाफा ४४ करोड ४८ लाख रुपैयाँ रहेको छ भने महालक्ष्मी विकास बैङ्कको ५६ करोड ७६ लाख रुपैयाँ रहेको छ ।
वितरण योग्य मुनाफा: महालक्ष्मी विकास बैङ्कको वितरण योग्य मुनाफा ५६ करोड ३८ लाख रुपैयाँ रहेको छ भने कामना सेवा विकास बैङ्कको ४३ करोड ४५ लाख रुपैयाँ वितरण योग्य मुनाफा रहेको छ ।
निष्क्रिय कर्जा: कामना विकास बैङ्कको निष्क्रिय कर्जा महालक्ष्मी विकास बैङ्कको भन्दा कम १ दशमलव ५ प्रतिशत देखिन्छ भने महालक्ष्मी विकास बैङ्कको ३ दशमलव ३२ प्रतिशत निष्क्रिय कर्जा देखिन्छ ।
प्रति शेयर आम्दानी: महालक्ष्मी विकास बैङ्कको प्रति शेयर आम्दानी २१ रुपैयाँ ९३ पैसा रहेको छ भने कामना सेवा विकास बैङ्क प्रति शेयर आम्दानी २६ रुपैयाँ ४० पैसा सहित अघि छ ।
मूल्य आम्दानी अनुपात: पछिल्लो कारोबार मूल्यको आधारमा कामना सेवा विकास बैङ्कको मूल्य आम्दानी अनुपात २२.४२ गुणा छ भने महालक्ष्मी विकास बैङ्कको मूल्य आम्दानी अनुपात २२.९६ गुणा रहेको छ ।
Disclaimer: This analysis done from the publicly available data is for educational purpose only. Contents of this post is strictly prohibited for Stock Trading purpose.
