ज्ञानमाण्डू। नेपाली बजारमा आज सुनको मूल्य प्रतितोला छ सय रुपैयाँले घटेको छ । नेपाल सुनचाँदी व्यवसायी महासंघका अनुसार असाेज ८ गते, शुक्रबारका दिन छापावाला सुनको मूल्य तोलाको ८९ हजार रुपैयाँ र तेजावी सुनको मूल्य प्रतितोला ८९ हजार ५ सय ५० रुपैयाँ तोकिएको छ।
अघिल्लो कारोबारी दिन अर्थात विहीबार असाेज ७ गतेका दिन, छापावाला सुन प्रतितोला ८९ हजार ६ सय रुपैयाँमा कारोबार भएको थियो भने तेजाबी सुन प्रतितोला ८९ हजार १ सय ५० रुपैयाँमा कारोबार भएको थियो ।
शुक्रबार सुनको मूल्यमा गिरावट हुँदा चाँदीको मूल्य भने सामान्य रकमले उकालो लागेको महासंघले जनाएको छ । नेपाली बजारमा आज चाँदी प्रतितोला १ हजार १ सय ६० रुपैयाँमा किनबेच हुँदैछ । अघिल्लो कारोबारी दिन विहीबार, नेपाली बजारमा चाँदी प्रतितोला १ हजार १ सय ५५ रुपैयाँमा कारोबार भएको थियो । आज चाँदी तोलामा ५ रुपैयाँले बढेको देख्न सकिन्छ ।
