ज्ञानमाण्डू। धितोपत्र बजारमा आज शेयर कारोबार मापक नेप्से परिसूचक एकल अङ्कले घटेकाे छ । नेपाल स्टक एक्सचेञ्जका अनुसार नेप्से परिसूचक १ दशमलव ६७ अंकले घटेर १९७० दशमलव ६२ को विन्दुमा कायम भएको छ । यस्तै सेन्सेटिभ परिसूचक शुन्य दशमलव ७४ अंकले घटेर ३८३ दशमलव २० को विन्दुमा पुगेको छ ।
आज कूल २१९ कम्पनीहरूका १८ लाख १ हजार २७३ कित्ता शेयर रु ६९ करोड ८८ लाख ५ हजार ९५० मा खरिद बिक्री भए ।
कारोबार भएका कूल १३ उपसमूह मध्य जलविद्युत उपसमूह शुन्य दशमलव ९४ अङ्कले, अन्य उपसमूह ७.२५ अङ्कले र लघुवित्त उपसमूह शुन्य दशमलव ४७ अङ्कले बढेका छन् । यता, बैंकिङ उपसमूह १ दशमलव ७६ अङ्कले घट्दा ट्रेडिङ उपसमूह शुन्य दशमलव ४४ अङ्कले, होटल तथा पर्यटन उपसमूह ७.५९ अङ्कले, विकास बैंक उपसमूह ९.६४ अङ्कले, वित्त उपसमूह ५.१ अङ्कले, निर्जीवन बीमा ३१.०१ अङ्कले, उत्पादन उपसमूह २२.९३ अङ्कले, जीवन बीमा उपसमूह ५.६८ अङ्कले, सामूहिक लगानी कोष शुन्य दशमलव ०२ अङ्कले र लगानी उपसमूह शुन्य दशमलव १६ अङ्कले घटेका छन् ।
