ज्ञानमाण्डू। धितोपत्र बजारमा आज शेयर कारोबार मापक नेप्से परिसूचक दोहोरो अङ्कले घटेकाे छ । नेपाल स्टक एक्सचेञ्जका अनुसार नेप्से परिसूचक १६ दशमलव ३० अंकले घटेर २८३५ दशमलव ५८ को विन्दुमा कायम भएको छ । यस्तै सेन्सेटिभ परिसूचक २ दशमलव ८२ अंकले घटेर ५३२ दशमलव ४९ को विन्दुमा पुगेको छ ।
आज कूल २३० कम्पनीहरूका १ करोड २० लाख ५३ हजार ७५१ कित्ता शेयर रु ६ अर्ब २८ करोड ७२ लाख १७ हजार ९८५ मा खरिद बिक्री भए ।
कारोबार भएका उपसमूहहरू मध्य कूल ८ वटा उपसमूहहरू घटेका छन् भने ५ वटा उपसमूहहरू बढेका छन्। बैंकिङ उपसमूह ६ दशमलव ४७ अङ्कले घट्दा, विकास बैंक उपसमूह ५१.२१ अङ्कले, जलविद्युत उपसमूह ५३.६५ अङ्कले, वित्त उपसमूह ९.२ अङ्कले, अन्य उपसमूह २.१ अङ्कले, लघुवित्त उपसमूह ३५.३७ अङ्कले, जीवन बीमा उपसमूह १६८.५४ अङ्कले र लगानी उपसमूह १.५२ अङ्कले घटेका छन् भने ट्रेडिङ उपसमूह २ दशमलव ६८ अङ्कले, होटल तथा पर्यटन उपसमूह ३.७४ अङ्कले, निर्जीवन बीमा उपसमूह ५६.२२ अङ्कले, उत्पादन उपसमूह २७.५४ अङ्कले, सामूहिक लागनी कोष शुन्य दशमलव ०८ अङ्कले बढेका छन्।
