ज्ञानमाण्डू। इटालियन सिरी 'ए' फुटबल अन्तर्गत शनिवार राति भएको खेलमा डर्बी क्लब एसी मिलानलाई २-० ले पराजित गर्दै इन्टर मिलान शीर्ष स्थानमा उक्लिएको छ । इन्टरको जितमा मार्सेलो ब्रोजोभिक र रोमेरो लुकाकुले एक एक गोल गरे ।
पहिलो हाफ गोलरहित बराबरीमा सकिएको खेलको दोस्रो हाफमा इन्टरले दुई गोल गरेको थियो । खेलको ४९ औँ मिनेटमा ब्रोजोभिकले गोल गर्दै इन्टरलाई अग्रता दिलाएका थिए ।त्यसपश्चात् खेलको ७८ औँ मिनेटमा लुकाकुले गोल गर्दै इन्टरलाई २-० को जित दिलाए । इन्टरको यो लगातार चौथो जित हो ।
जितसँगै इन्टर मिलान सिरी ‘ए’ मा शीर्षस्थानमा उक्लिएको छ । अपराजित इन्टर मिलानले ४ खेलबाट १२ अङ्क जोडेको छ । इन्टरले दोस्रो स्थानको युभेन्टसलाई २ अङ्कले पछि पारेको छ भने यता पराजित मिलान ४ खेलबाट ६ अङ्क जोडेर नवौँ स्थानमा रहेको छ ।
