रिलायन्स फाइनान्स लिमिटेडले असार ३१ गते (आज) १३ औँ वार्षिक साधारण सभा गर्दै छ। कम्पनीले साधारण सभा स्मार्ट दरबार व्यांक्वेट, धुम्बाराही, काठमाडौँमा दिनको ११:०० बजे देखि आरम्भ हुने जानकारी दिएको छ।
सभाले सञ्चालक समितिको तर्फबाट पेस हुने आर्थिक वर्ष (आ.व) २०७८/०७९ को वार्षिक प्रतिवेदन उपर छलफल गरी पारित गर्ने छ । त्यसै गरी लेखापरीक्षककाे प्रतिवेदन सहितको आ.व २०७८/०७९ को वार्षिक विवरण उपर छलफल गरी पारित गर्ने प्रस्ताव पारित गर्ने छ ।
त्यसै गरी सञ्चालक समितिको स्वीकृति बमोजिम कम्पनीको कुल चुक्ता पुँजीको ६.५० प्रतिशतले हुन आउने रकम रु. ६ करोड ८४ लाख ४५ हजार ४११ बराबरको बोनस शेयर र ०.३४ प्रतिशतले हुन आउने रकम रु. ३६ लाख ०२ हजार ३९० बराबरको नगद (कर प्रयोजनका लागि) लाभांश प्रदान गर्ने प्रस्ताव पारित गर्नेछ ।
कम्पनीले साधारण सभाको प्रयोजनको लागि असार २० गते एक दिनको लागि बुक क्लोज गरिसकेको छ। सो आधारमा असार १९ गतेसम्म कायम शेयरधनीले साधारण सभामा भाग लिन सक्नेछन् ।
रिलायन्स फाइनान्सले आज १३ औँ वार्षिक साधारण सभा गर्दै
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
