हाल देशमा स्थानीय र पश्चिमी वायुको सामान्य प्रभाव रहेकाले बागमती र कोशी प्रदेशका एक दुई स्थानमा हल्का वर्षा भइरहेको छ । आज पहाडी भू–भागमा मौसम आंशिक देखि सामान्य बदली रहने जल तथा मौसम पूर्वानुमान महाशाखाले जनाएको छ ।
दिउँसो, बागमती, कोशी र गण्डकी प्रदेशका केही स्थान लगायत बाँकी प्रदेशका पहाडी भू–भागका थोरै स्थानहरूमा मेघ गर्जन र चट्याङ्ग सहित वर्षा हुनेछ । बाँकी भू–भागमा भने आंशिक बदली देखि मौसम सामान्यतया सफा रहनेछ ।
बिहीबार राती कोशी प्रदेशमा आंशिक देखि सामान्य बदली रही अन्य प्रदेशका पहाडी भू–भागका साथै बाँकी स्थानमा मौसम सामान्यतया सफा रहनेछ। कोशी, बागमती र गण्डकी प्रदेशका पहाडी भू–भागका एक–दुई स्थानमा राती वर्षा हुने महाशाखाले उल्लेख गरेको छ ।
