पिपुल्स हाइड्रोपावर लिमिटेडले कार्तिक २५ गते (आज) देखि आइपिओ विक्री खुल्ला गरेको छ ।
कम्पनीको अनुसार योग्य आवेदकले दरखास्त दिनुपर्ने न्यूनतम कित्ता १० शेयर र दरखास्त दिन पाउने अधिकतम कित्ता १ लाखसम्म तोकेको छ। सो कम्पनीले प्रतिशेयर रु.१०० अङ्कित दरका ४८ लाख कित्ता शेयर आयोजना प्रभावित क्षेत्रका बासिन्दाहरूका लागि बाँडफाँट गरी बाँकी रहेको ८ लाख ६ हजार ३९० कित्ता शेयरसमेत जोडेर ५६ लाख ६ हजार ३९० कित्ता शेयरको आईपीओ विक्री गर्न लागेको हो।
सो कम्पनीले निष्कासन गर्ने ५६ लाख ६ हजार ३९० कित्ता शेयर मध्ये १ लाख ६८ हजार १९० कित्ता अर्थात् कुल निष्कासनको ३ प्रतिशत कम्पनीका कर्मचारीका लागि सुरक्षित गरिएको र २ लाख ८० हजार ३२० कित्ता अर्थात् ५ प्रतिशत सामूहिक लगानी कोषहरूमा बाँडफाँड गरी बाँकी रहने ५१ लाख ५७ हजार ८८० कित्ता साधारण शेयर सर्वसाधारणमा निष्कासन गरिएको कम्पनीले जनाएको छ ।
सो कम्पनीको साधारण शेयरको निष्कासन बन्द हुने मिति (छिटोमा) कार्तिक २९ गते रहेको छ। उक्त अवधिभित्र माग बमोजिम आवेदन नपरेमा ढिलोमा मङ्सिर ९ गते सम्म आवेदन पेस गर्न सक्ने कम्पनीले जनाएको छ।
कम्पनीको आइपिओ खरिद गर्नको निम्ति आवेदकले नेपाल धितोपत्र बोर्डबाट अनुमति लिई आस्वा सेवामा सहभागी बैङ्क तथा वित्तीय संस्थाहरूबाट आवेदन पेस गर्न सक्नेछन्।
कम्पनीको आइपिओ खरिद गर्नको निम्ति आवेदकले नेपाल धितोपत्र बोर्डबाट अनुमति लिई आस्वा सेवामा सहभागी बैङ्क तथा वित्तीय संस्थाहरूबाट आवेदन पेस गर्न सक्नेछन्।
यस कम्पनीको धिताेपत्र निष्कासन तथा बिक्री प्रबन्धक सानिमा क्यापिटल लिमिटेड रहेको छ।
