ज्ञानमाण्डू। २०७२ वैशाख १२ गतेको विनाशकारी भूकम्पबाट प्रभावित ६ लाख ४४ हजार २९१ गृहस्थी मध्य ४ लाख २४ हजार ९७७ लाभग्राहीहरुको घर पुनर्निर्माण सम्पन्न भएको छ । राष्ट्रिय पुनर्निर्माण प्राधिकरणको सूचना प्रणालीमा राखिएको तथ्याङ्कअनुसार यसमा बाँकी २ लाख १४ हजार ३१४ लाभग्राहीका घर पुनर्निर्माण भइरहेका छन् । प्राधिकरणको तथ्याङ्कअनुसार कुल मध्य ८३ प्रतिशत प्रभावित निजी आवासको पुनर्निर्माण कार्य सकिएको छ ।
पुनर्निर्माण प्राधिकरणका अनुसार, निजी आवास पुनर्निर्माणका लागि सम्झौता गरेका ७ लाख ७३ हजार ४४७ मध्ये ७ लाख ६५ हजार २२१ ले पहिलो किस्ता बुझेका छन् भने ५ लाख ९९ हजार ४३९ ले दोस्रो किस्ता बुझिसकेका छन् । तेस्रो किस्ता बुझ्ने लाभग्राहीको सङ्ख्या ४ लाख ७४ हजार ११९ छ ।
राष्ट्रिय पुनर्निर्माण प्राधिकरणका अनुसार भूकम्प प्रभावितको सूचीमा दर्ता भएका ८ लाख २७ हजार १२ मध्य सबैभन्दा धेरै सिन्धुपाल्चोकमा छन् । सिन्धुपाल्चोकमा ६७ हजार ८३४ घर पुनर्निर्माण भएका छन् । त्यसै गरी, दोस्रो धेरै नुवाकोटमा ५२ हजार ६१३ घर पुनर्निर्माण भएका छन् । धादिङमा ४८ हजार ४५४, दोलखामा ४४ हजार ५३३ र गोरखामा ४४ हजार २३१ घर पुनर्निर्माण भएका छन् । साथै रामेछापमा ३० हजार ७११, काभ्रेपलान्चोकमा ३० हजार ८७७, सिन्धुलीमा १२ हजार ५८२, मकवानपुरमा १३ हजार ०७०, ओखलढुङ्गामा १५ हजार ७७२ र रसुवामा १० हजार ४१८ घर पुनर्निर्माण भएका छन् । त्यस्तै, कम प्रभावित जिल्लामध्ये तनहुँमा सबैभन्दा धेरै १० हजार ५२५ घर पुनर्निर्माण भएका छन् ।
जिल्लागत रूपमा पुनर्निर्माण प्रगति यस प्रकार रहेको छः
