ज्ञानमाण्डू।महिला सहयात्रा लघुवित्त वित्तीय संस्था लिमिटेडले चैत १८ गते, बुधबारका दिन कम्पनीको आठौँ वार्षिक साधारण सभा गर्ने भएको छ । लघुवित्तको सो सभा बिहान ११ बजे पश्चात् ओम अध्याय रिट्रिट रिसोर्ट, थाहा न. पा. ६ मकवानपुरमा आरम्भ हुने लघुवित्तले जानकारी दिएको छ। लघुवित्तको फागुन १८ गते अपरहान् ५ बजे बसेको सञ्चालक समितिको १२८ औँ बैठकले गरेको निर्णय अनुसार उक्त सभाको मिति तय भएको हो ।
सो सभाले गत आर्थिक वर्षको अन्त्यसम्म कायम चुक्ता पूँजीको १० प्रतिशत बोनस शेयर र शुन्य दशमलव ५३ प्रतिशत नगद लाभांश(कर प्रयोजनार्थ) वितरण गर्ने विशेष प्रस्ताव पारित गर्नेछ।
साधारणसभा प्रयोजनका लागि महिला सहयात्रा लघुवित्तले आगामी चैत १ गते बुक क्लोज गर्ने जानकारी दिएको छ। यस अर्थ फागुन २९ गतेसम्म कायम शेयरधनीहरुले मात्र सभामा सहभागिता जनाउन तथा प्रस्तावित लाभांश पाउन योग्य हुनेछन्।
