ज्ञानमाण्डू।युईएफए च्याम्पियन्स लिग फुटबल अन्तर्गत बुधवार राति भएको खेलमा इन्टर मिलानले जर्मन क्लब बोरुसिया डर्टमण्डलाई २-० गोल अन्तरले हराएको छ । घरेलु मैदानमा इन्टर मिलानलाई जित दिलाउन लोउटारो मार्टिनेज र एन्टेनियो क्यानड्रेभाले गोल गरे ।
खेलको २२औं मिनेटमा लोउटारो मार्टिनेजको गोलबाट इन्टर मिलानले अग्रता लिएको थियो ।मार्टिनेजकै गोलामा इन्टरले पहिलो हाफसम्म १-० को अग्रता बनाउन सफल रहेको थियो ।त्यसपछि, खेल सकिन १ मिनेट बाँकी रहँदा क्यानड्रेभाले गोल गर्दै इन्टर मिलानको जित पक्का गरेका थिए । प्रतिस्पर्धी टोलीले जवाफी गोल फर्काउन नसक्दा इन्टर मिलान विजयी बनेको हो ।
जितसँगै समूह ‘एफ’ मा इन्टर ३ खेलबाट ४ अङ्क जोडेर दोस्रो स्थानमा उक्लिएको छ ।पराजित डर्टमण्डको समान ४ अङ्क रहे पनि डर्टमण्ड तेस्रो स्थानमा छ ।
