शक्तिशाली फिचर र आकर्षक लुक्ससहित ईभीईजी ट्याक्सीको बुकिङ सुरू

Your browser does not support the audio element.

सरिना जी ट्रेड प्रालिले नेपालमा नयाँ विद्युतीय ट्याक्सी ईभीईजी को बुकिङ खुला गरेको छ। ४१ लाख ५० हजार रुपैयाँ पर्ने यो ट्याक्सी बुकिङका लागि ग्राहकले १ लाख १ हजार रुपैयाँ भुक्तानी गर्न सक्नेछन्। बिहीबार आयोजित एक कार्यक्रममा कम्पनीले यसबारे जानकारी दिएको हो।

ईभीईजी ट्याक्सीमा ४९ किलोवाट आवरको ब्याट्री प्याक र ९९ किलोवाट क्षमताको मोटर जडान गरिएको छ। यसले सिंगल चार्जमा ४३० किलोमिटरको रेन्ज दिने दाबी गरिएको छ। डिसी फास्ट चार्जरले ३० मिनेटमा ३० देखि ८० प्रतिशत चार्ज गर्ने र फुल चार्जका लागि एसी चार्जरले ९ घण्टा तथा डिसी चार्जरले १ घण्टा १५ मिनेट लिने बताइएको छ।

आधुनिक फिचरले सज्जित यो ट्याक्सीमा डुअल जोन एसी, क्रुज कन्ट्रोल, रिजेनेरिटिभ ब्रेकिङ, ट्रयाक्सन कन्ट्रोल, र टायर प्रेसर मोनिटरिङ सिस्टम जस्ता विशेषता समावेश गरिएको छ। ४१० लिटरको बुट स्पेससहित सेफ्टि फिचरमा दुई एयरब्याग, एबिएस, रियर पार्किङ सेन्सर, र हिल असिस्ट कन्ट्रोल रहेको छ। कम्पनीले ब्याट्रीमा ८ वर्ष वा १ लाख ५० हजार किलोमिटर र मोटरमा ३ वर्ष वा ६० हजार किलोमिटरको वारेन्टी उपलब्ध गराएको छ।