कालिका लघुवित्त लिमिटेडले चैत्र २९ गते (आज) १३ औँ वार्षिक साधारण सभा गर्दै छ। कम्पनीले साधारण सभा हाेटल टास्क इन्टरनेशनल प्रा. लि. को सभाहल, पोखरा महानगरपालिका-१०, बुद्धचाेक, कास्कीमा बिहान ९:०० बजे देखि आरम्भ हुने जानकारी दिएको छ।
सभाले सञ्चालक समितिको तर्फबाट पेस हुने आर्थिक वर्ष (आ.व) २०७८/०७९ को वार्षिक प्रतिवेदन उपर छलफल गरी पारित गर्ने छ । त्यसै गरी लेखापरीक्षककाे प्रतिवेदन सहितको आ.व २०७८/०७९ को वार्षिक विवरण उपर छलफल गरी पारित गर्ने, आ.व २०७९/०८० को लागि लेखापरीक्षक नियुक्त गर्ने र निजको पारिश्रमिक तोक्ने प्रस्ताव पारित गर्ने छ ।
त्यसै गरी सभाले सञ्चालक समितिले प्रस्ताव गरे बमोजिम चुक्ता पुँजीको १९ प्रतिशतका दरले हुन आउने रकम रु. ५ करोड ९४ लाख ४६ हजार ३२८ रुपैयाँ १६ पैसा बराबरको बोनस शेयर र १ प्रतिशतका दरले हुन आउने रकम रु. ३१ लाख २८ हजार ७५४ रुपैयाँ ११ पैसा बराबरको नगद लाभांश (कर प्रयोजनसहित) वितरणको प्रस्ताव पनि पारित गर्ने छ ।
सभाले वित्तीय संस्थाको हाल कायम कुल पुँजी संरचनामा संस्थापक तथा सर्वसाधारण समूहको शेयर स्वामित्व क्रमशः ६४.५२ प्रतिशत र ३५.४८ प्रतिशत रहेकोमा नियमनकारी निकायबाट स्वीकृति प्राप्त भए पश्चात् कार्यान्वयन गर्ने गरी संस्थापक समूहको शेयर स्वामित्व ५४.५२ प्रतिशत र सर्वसाधारण समूहको शेयर स्वामित्व ४५.४८ प्रतिशत कायम गर्ने प्रस्ताव पारित गर्नेछ ।
कम्पनीले साधारण सभाको प्रयोजनको लागि चैत्र १६ गते देखि चैत्र २९ गतेसम्मको लागि बुक क्लोज गरिसकेको छ। सो आधारमा चैत्र १५ गतेसम्म कायम शेयरधनीले साधारण सभामा भाग लिन सक्नेछन् ।
कालिका लघुवित्तले आज तेह्रौँ वार्षिक साधारण सभा गर्दै
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
