धितोपत्र बजारमा आज शेयर कारोबार मापक नेप्से परिसूचक दाेहाेराे अङ्कले घटेको छ । नेपाल स्टक एक्सचेन्जका अनुसार नेप्से परिसूचक १३ दशमलव ७१ अङ्कले घटेर २१६५ दशमलव १० को विन्दुमा कायम भएको छ। यस्तै सेन्सेटिभ परिसूचक २ दशमलव ०५ अङ्कले घटेर ४१३ दशमलव ०१ को विन्दुमा पुगेको छ ।
आज कूल २५७ कम्पनीहरूका १ करोड ७ लाख ५९ हजार ५७९ कित्ता शेयर रु. ३ अर्ब ८६ करोड ४० लाख ८ हजार ९७३ मा खरिद बिक्री भए ।
कारोबार भएका कूल १३ उपसमूह मध्य बैङ्किङ उपसमूह १५ दशमलव १६ अङ्कले र सामूहिक लगानी कोष शून्य दशमलव १० अङ्कले बढेका छन् । यता, विकास बैङ्क उपसमूह ९१ दशमलव ६६ अङ्कले घट्दा वित्त उपसमूह ७ दशमलव ०४ अङ्कले, होटेल तथा पर्यटन उपसमूह ७९.५० अङ्कले, जलविद्युत उपसमूह ६५.४५ अङ्कले, लगानी उपसमूह १.१९ अङ्कले, जीवन बिमा उपसमूह ८७.१८ अङ्कले, उत्पादन उपसमूह ७२.८५ अङ्कले, लघुवित्त उपसमूह ४१.६६ अङ्कले, निर्जीवन बिमा १२३.१३ अङ्कले, अन्य उपसमूह २३.३३ अङ्कले र ट्रेडिङ उपसमूह १.७३ अङ्कले घटेका छन्।
