शाइन रेसुङ्गा डेभलपमेन्ट बैङ्क लिमिटेडले यही पौष २५ गते (आज) १४ औँ वार्षिक साधारण सभा गर्दै छ। बैङ्कले साधारण सभा ड्रिमल्याण्ड गोल्ड रिसाेर्ट एण्ड हाेटल प्रा.लि., मणिग्राम, रुपन्देहीमा बिहान ११:०० बजे देखि आरम्भ हुने जानकारी दिएको छ।
सभाले सञ्चालक समितिको तर्फबाट प्रस्तुत हुने आ.व २०७८/०७९ वार्षिक प्रतिवेदन उपर छलफल गर्ने छ भने आ.व २०७९/०८० को लागि लेखापरीक्षक नियुक्त गर्ने र निजको पारिश्रमिक तोक्ने प्रस्ताव पारित गर्नेछ ।
सभाले सञ्चालक समितिले सिफारिस गरे बमोजिम चुक्ता पुँजीको शून्य दशमलव ७० प्रतिशतले हुन आउने रकम रु. २ करोड ६४ लाख ६७ हजार ६३ रुपैयाँ १० पैसा बराबरको नगद लाभांश (बोनस शेयरमा लाग्ने कर समेत) र १३.३० प्रतिशतले हुन आउने रकम रु. ५० करोड २८ लाख ७४ हजार १९८ रुपैयाँ ९० पैसा बराबरको बोनस शेयर गरी जम्मा १४ प्रतिशत लाभांश वितरणको प्रस्ताव स्वीकृत गर्नेछ ।
यस शाइन रेसुङ्गा डेभलपमेन्ट बैङ्क लिमिटेड र अन्य बैङ्क तथा वित्तीय संस्था एक आपसमा प्राप्ति प्रयोजनको लागि उपयुक्त बैङ्क तथा वित्तीय संस्थाको पहिचान गर्ने, सहमति पत्रमा हस्ताक्षर गर्ने, सम्पत्ति तथा दायित्वको मूल्याङ्कन गर्नलाई मूल्याङ्कनकर्ता, लेखापरीक्षक नियुक्त गर्ने र निजको पारिश्रमिक तोक्ने सम्पूर्ण कार्य गर्न सञ्चालक समितिलाई अख्तियारी प्रदान पनि सोही सभाले गर्नेछ ।
बैङ्कले साधारण सभाको प्रयोजनका लागि पाैैष १२ गतेदेखि पौष २५ गतेसम्मको लागि बुक क्लोज गरिसकेको छ। सो आधारमा पाैैष ११ गतेसम्म कायम शेयरधनीले साधारण सभामा भाग लिन सक्नेछन् ।
