नेपाल बैङ्क लिमिटेडमा खाता रहेका ग्राहकहरू र बैङ्कमा कार्यरत कर्मचारीहरूलाई ललितपुर ग्वार्कोमा रहेको बि एण्ड बि हस्पिटल प्रा.लि. मा उपचार गर्दा लाग्ने शुल्कमा नेपाल बैङ्कको मोबाइल बैङ्किङ एपबाट रकम भुक्तानी गर्दा विशेष छुट प्रदान गर्ने सम्बन्धी सम्झौता भएको छ ।
सो सम्झौता बमोजिम नेपाल बैङ्क लिमिटेडमा खाता रहेका ग्राहकहरू र बैङ्कमा कार्यरत कर्मचारीहरूलाई अस्पताल द्वारा तोकिएको विविध उपचार सेवामा लाग्ने शुल्कहरूमा बिल रकमको १५% छुट हुने व्यवस्था गरिएको छ । सम्झौता पत्रमा बैकको तर्फबाट बजारीकरण तथा अनुसन्धान डिभिजन प्रमुख निर्मल सुवेदी र बि एण्ड बि हस्पिटल प्रा.लि. को तर्फबाट प्रशासन प्रमुख प्रकाश कुमार भट्टराईले हस्ताक्षर गर्नुभयो । यसबाट नेपाल बैङ्क लिमिटेडमा खाता रहेका ग्राहकहरू तथा बैङ्कमा कार्यरत कर्मचारीहरूलाई बि एण्ड बि हस्पिटल प्रा.लि. द्वारा प्रदान गरिने सहुलियतपूर्ण स्वास्थ्य सेवाबाट लाभान्वित हुनेछन् ।
नेपाल बैङ्क र बि एण्ड बि हस्पिटल प्रा.लि. बिच सम्झौता
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
