ज्ञानमाण्डू।बलिउडका चर्चित नायक सलमान खानका पारखीका लागि उनको चर्चित ब्रान्ड नेपालको बिइङ ह्युमन क्लोथिङको ‘रिब्रान्डिङ’ गरिएको सो–रुम दरबारमार्गमा खुलेको छ । नेपालका लागि बिइङ ह्युमनक्लोथिङको आधिकारिक बिक्रेता वस्त्र इन्क प्रालीले दरबारमार्गको स्टोरमा संस्थापक सलमान खानको जन्मदिनका अवसरमा ‘रिब्रान्डिङ’ हुरु गरेको कम्पनीले आज विज्ञप्तिमार्फत जनाएको छ । केही समय आन्तरिक समस्याका कारण बन्द रहेको उक्त सो–रुम औपचारिकरुपमा पुनः सञ्चालनमा आएको हो ।
विभिन्न देशमा रहेका बिइङ ह्युमनक्लोथिङको ‘सो–रुम’ मा सलमान खानको ५४औँ जन्मोत्सव भव्यताका साथ मनाइको र नेपालमा पनि खानको जन्मदिन मनाइएको थियो । कम्पनीका प्रमुख कार्यकारी अधिकृत सुदीपचन्द्र बख्रेलले मानवताको भावनाअनुरुप गरिब तथा विपन्न नागरिकलाई रोजगारीको सिर्जना गर्ने उद्देश्यसहित कम्पनी सुरु गरिएको बताए । “सलमानखान फिल्म मात्र होइन, वास्तविक जीवनमा पनि हिरो बन्न सफल हुनुभएको छ, बलिउड सुपर स्टारभन्दा पनि सामाजिक गतिविधिमा सक्रिय बिइङ ह्युमन फाउन्डेसनका संस्थापकका रूपमा जन्मदिन मनाएका हौँ ।” उनको भनाइ रह्यो।
वस्त्र इन्कका सञ्चालक राजु थापा क्षेत्रीले सेवाग्राहीको चाहनाबमोजिम नयाँ व्यवस्थापन र नयाँ ऊर्जाका व्यवसाय सुरु गरिएको बताए । खानको जन्मदिनका अवसरमा वस्त्र इन्कले आफ्ना ग्राहकलाई प्रत्येक १५ हजारको खरिदमा विशेष छुट दिएको तथा सलमान खानको फिल्म दबगं–३ को च्यारिटी सो गरिएको कम्पनीले उल्लेख गरेको छ ।रासस
