ज्ञानमाण्डू। धितोपत्र बजारमा आज शेयर कारोवार मापक नेप्से परिसूचक दोहोरो अङ्कले वृद्धि भएको छ । नेपाल स्टक एक्सचेञ्जका अनुसार नेप्से परिसूचक १० दशमलव २७ अंकले बढेर २१२३ दशमलव ८२ को विन्दुमा कायम भएको छ । यस्तै सेन्सेटिभ परिसूचक ३ दशमलव १० अंकले बढेर ४०९ दशमलव ५५ को विन्दुमा पुगेको छ ।
आज कूल २१९ कम्पनीका ६१ लाख ६ हजार ५२१ कित्ता शेयर रु २ अर्ब ६७ करोड ३३ लाख ३८ हजार २३२ मा खरिद बिक्री भए ।
कारोबार भएका कूल १३ उपसमूह मध्य जीवन बीमा उपसमूह ४ दशमलव ५५ अङ्कले घटेकाे छ । यता, बैंकिङ उपसमूह शुन्य दशमलव २२ अङ्कले बढ्दा ट्रेडिङ उपसमूह ४७.६ अङ्कले, होटल तथा पर्यटन उपसमूह ६०.७४ अङ्कले, विकास बैंक उपसमूह ५२.४४ अङ्कले, जलविद्युत उपसमूह २६.२२ अङ्कले, वित्त उपसमूह ३३.५ अङ्कले, निर्जीवन बीमा शुन्य दशमलव ७५ अङ्कले, उत्पादन उपसमूह २.७४ अङ्कले, अन्य उपसमूह २२.५७ अङ्कले, लघुवित्त उपसमूह २७.८८ अङ्कले, सामूहिक लगानी कोष शुन्य अङ्कले र लगानी उपसमूह शुन्य दशमलव २७ अङ्कले बढेको छ।
