ज्ञानमाण्डू।साताको तेस्रो करोबारी दिन धितोपत्र बजार मापक नेप्से परिसूचकमा गिरावट आएको छ। नेप्से १७ दशमलव ७९ अंकले घटेर २४२३ दशमलव ०९ को विन्दुमा कायम भएको छ । होटल र फाइनान्स बाहेक आज अरु क्षेत्रका उपसूचक सबै ओरालो लगेको देख्न सकिन्छ ।
आज कूल २ सय ७ सय वटा कम्पनीको १ करोड ९६ लाख ६ हजार ५ सय ५५ कित्ता शेयर किनबेच हुँदा ८ अर्ब २७ करोड रुपैयाँ भन्दा बढीको कारोबार भएको छ ।
कारोवार रकमका आधारमा नेपाल लाइफ इन्स्योरेन्स कम्पनी शीर्ष स्थानमा रह्यो । सो कम्पनीको शेयर रु १ अर्ब ४५ करोड ७ लाख ६३ हजार ७२५ मा खरिद बिक्री भयो । त्यस्तै, नेपाल बैंकको शेयर ५२ करोड ५३ लाख २८ हजार ४६९ बराबरको कारोबार भएको छ।
यता, शिखर इन्स्योरेन्सको २३ करोडमाथिको शेयर कारोबार भएको छ । पाल पुनर्बीमाको २० करोडमाथिको शेयर कारोबार भएको छ । नेपाल टेलिकम र नागरिक लगानी कोषको १६ करोडमाथिको शेयर कारोबार भएको छ । नबिल बैंक, सनराइज बैंक, नेशनल लाइफ र एन आइ सि एसिया बैंकको शेयर पनि आज सर्वाधिक कारोबार भएको देख्न सकिन्छ ।
