लुम्बिनी विकास बैङ्क लिमिटेडको एक संस्थापक शेयरधनीले आफ्नो स्वामित्वमा रहेको शेयर बिक्री प्रक्रिया अगाडि बढाएका छन्। बैङ्कले दोस्रो पटक सूचना जारी गर्दै इच्छुक व्यक्ति तथा संस्थालाई आवेदन दिन आह्वान गरेको हो।
सूचनाअनुसार संस्थापक शेयरधनी प्रकाश मान श्रेष्ठले आफ्नो नाममा रहेको २० हजार २९० कित्ता संस्थापक शेयर बिक्रीका लागि प्रस्ताव गरेका हुन्। यसअघि विद्यमान संस्थापक समूहलाई प्राथमिकता दिँदै आह्वान गरिएको भए पनि तोकिएको समयभित्र कुनै आवेदन नपरेपछि अब अन्य लगानीकर्ताका लागि प्रक्रिया खुला गरिएको बैङ्कले जनाएको छ।
नेपाल राष्ट्र बैङ्क द्वारा तोकिएको मापदण्ड पूरा गर्ने इच्छुक व्यक्ति वा संस्थाले आवश्यक कागजातसहित आवेदन दिन सक्नेछन्। आवेदन दिन सूचना प्रकाशित भएको मितिले १५ दिनको समय सीमा तोकिएको छ र निवेदन बैङ्कको डिल्लीबजारस्थित केन्द्रीय कार्यालयमा बुझाउनुपर्नेछ।
बैङ्कले प्रचलित नियमअनुसार पारदर्शी ढङ्गले शेयर बिक्री प्रक्रिया अगाडि बढाइने जनाएको छ। यस बिक्रीपछि संस्थापक शेयर संरचनामा केही परिवर्तन आउने सम्भावना रहेको छ।
लुम्बिनी विकास बैङ्कको संस्थापक शेयर बिक्री खुला, अब सर्वसाधारण लगानीकर्तालाई अवसर
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
