शिखर पावर डेभलपमेन्ट लिमिटेडले सर्वसाधारणका लागि निष्कासन गरेको प्रारम्भिक सार्वजनिक निष्कासन (आइपिओ) को बाँडफाँट सम्पन्न भएको छ। बिक्री प्रबन्धक ग्लोबल आइएमई क्यापिटलले आज गोला प्रथामार्फत बाँडफाँट प्रक्रिया सम्पन्न गरेको हो ।
आइपिओमा कुल २६ लाख ८७ हजार ३४७ जनाले आवेदन दिएका थिए। तीमध्ये ३६ हजार ५०० जनाको आवेदन विभिन्न कारणले रद्द भएको छ । बाँकी रहेका २६ लाख ५० हजार ८४७ जनाको आवेदनलाई मान्य ठहर गर्दै गोला प्रथा अनुसार बाँडफाँट गरिएको हो ।
बाँडफाँट अनुसार १ लाख ८४ हजार २६० जना आवेदकले १० कित्ताका दरले शेयर प्राप्त गरेका छन् । बाँकी २४ लाख ६६ हजार ५८७ जना आवेदकले शेयर प्राप्त गर्न सकेनन् ।
कम्पनीले प्रति कित्ता १०० रुपैयाँ अंकित दरमा कुल १८ लाख ४२ हजार ६०० कित्ता शेयर सर्वसाधारणका लागि निष्कासन गरेको थियो। उक्त आइपिओमा कुल २ करोड ८८ लाख १६ हजार ९९० कित्ता शेयरका लागि आवेदन परेको थियो, जसमा २ करोड ८३ लाख ९४ हजार ७९० कित्ता शेयरको मागलाई मान्य गरिएको छ ।
शिखर पावर डेभलपमेन्टको आइपिओ बाँडफाँट सम्पन्न, १ लाख भन्दा बढीले पाए शेयर
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
