एन आई सी एशिया लघुवित्त वित्तीय संस्था लिमिटेडले यही वैशाख १० गते पाँचौँ वार्षिक साधारण सभा गर्ने भएको छ। कम्पनीले साधारण सभाको प्रयोजनको लागि वैशाख १ गते देखि वैशाख १० गते सम्मको लागि बुक क्लोज गर्ने जानकारी दिएको छ । सो आधारमा चैत्र ३० (आज सम्म) कायम शेयरधनीले वार्षिक साधारण सभामा भाग लिन सक्नेछन् । कम्पनीले साधारण सभा हाेटल गजुर, गङ्गालाल मार्ग, भाेटेपुल, धरान उप-महानगरपालिका वडा नं. ८, सुनसरीमा बिहान ९:०० बजे देखि आरम्भ हुने जानकारी दिएको छ।
सभाले सञ्चालक समितिको तर्फबाट पेस हुने आर्थिक वर्ष (आ.व) २०७८/०७९ को वार्षिक प्रतिवेदन उपर छलफल गरी पारित गर्ने छ । त्यसै गरी लेखापरीक्षककाे प्रतिवेदन सहितको आ.व २०७८/०७९ को वार्षिक विवरण उपर छलफल गरी पारित गर्ने, आ.व २०७९/०८० को लागि लेखापरीक्षक नियुक्त गर्ने र निजको पारिश्रमिक तोक्ने प्रस्ताव पारित गर्ने छ ।
त्यसै गरी सभाले सञ्चालक समितिले प्रस्ताव गरे बमोजिम चुक्ता पुँजीको १४.७५ प्रतिशतका दरले हुन आउने रकम रु. २५ करोड ६५ लाख ६७ हजार ४०० रुपैयाँ बराबरको नगद लाभांश (कर प्रयोजनसहित) वितरणको प्रस्ताव पनि पारित गर्ने छ ।
साथै सभाले यस वित्तीय संस्थाको प्रबन्ध पत्र र नियमावलीमा समसामयिक थप अथवा संशोधन गर्ने विशेष प्रस्ताव पनि पारित गर्ने छ ।
एन आई सी एशिया लघुवित्तको लाभांश सुरक्षित गर्ने आज अन्तिम दिन
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
