धितोपत्र बजारमा आज शेयर कारोबार मापक नेप्से परिसूचक एकल अङ्कले घटेको छ । नेपाल स्टक एक्सचेन्जका अनुसार नेप्से परिसूचक ६ दशमलव ९० अङ्कले घटेर १९२६ दशमलव ४० को विन्दुमा कायम भएको छ। यस्तै सेन्सेटिभ परिसूचक १ दशमलव ५२ अङ्कले घटेर ३६३ दशमलव २६ को विन्दुमा पुगेको छ ।
आज कूल २५९ कम्पनीहरूका ३१ लाख ६३ हजार ३८९ कित्ता शेयर रु. १ अर्ब ६ करोड ९८ लाख ४ हजार ८२५ मा खरिद बिक्री भए ।
कारोबार भएका कूल १३ उपसमूहहरू मध्य होटेल तथा पर्यटन उपसमूह २६ दशमलव ६३ अङ्कले, जलविद्युत उपसमूह ६.८१ अङ्कले, लगानी उपसमूह शून्य दशमलव १६ अङ्कले, निर्जीवन बिमा २.७२ अङ्कले र ट्रेडिङ उपसमूह २.६१ अङ्कले बढेका छन् । यता, बैङ्किङ उपसमूह ६ दशमलव ७२ अङ्कले घट्दा विकास बैङ्क उपसमूह १५ दशमलव ८२ अङ्कले, वित्त उपसमूह शून्य दशमलव ०८ अङ्कले, जीवन बिमा उपसमूह ६१.०९ अङ्कले, उत्पादन उपसमूह ४९.११ अङ्कले, लघुवित्त उपसमूह ३७.६८ अङ्कले, सामूहिक लगानी कोष शून्य दशमलव १६ अङ्कले र अन्य उपसमूह ५.२४ अङ्कले घटेका छन् ।
