धितोपत्र बजारमा आज शेयर कारोबार मापक नेप्से परिसूचक दोहोरो अङ्कले घटेकाे छ । नेपाल स्टक एक्सचेञ्जका अनुसार नेप्से परिसूचक १६ दशमलव १४ अंकले घटेर १९२२ दशमलव १६ को विन्दुमा कायम भएको छ । यस्तै सेन्सेटिभ परिसूचक ३ दशमलव ५० अंकले घटेर ३७९ दशमलव ४३ को विन्दुमा पुगेको छ ।
आज कूल २२० कम्पनीहरूका २७ लाख ६७ हजार ५३९ कित्ता शेयर रु ८९ करोड ८९ लाख ७ हजार ८२९ मा खरिद बिक्री भए ।
कारोबार भएका कूल १३ उपसमूह मध्य निर्जीवन बीमा शून्य दशमलव ६२ अङ्कले र जीवन बीमा उपसमूह १.४ अङ्कले बढेकाे छ । यता, बैंकिङ उपसमूह ११ दशमलव ३६ अङ्कले घट्दा ट्रेडिङ उपसमूह १९ दशमलव ९६ अङ्कले, होटल तथा पर्यटन उपसमूह २०.९३ अङ्कले, विकास बैंक उपसमूह ४१.५९ अङ्कले, जलविद्युत उपसमूह २७.६५ अङ्कले, वित्त उपसमूह १९.४५ अङ्कले, उत्पादन उपसमूह १३.१३ अङ्कले, अन्य उपसमूह १७.३२ अङ्कले, लघुवित्त उपसमूह ४७.२३ अङ्कले, सामूहिक लगानी कोष शुन्य दशमलव ११ अङ्कले र लगानी उपसमूह शुन्य दशमलव ३७ अङ्कले घटेका छन् ।
धितोपत्र बजारमा १६.१४ अङ्कको गिरावट, नेप्से १९२२.१६ को विन्दुमा
यो खबर पढेर तपाईलाई कस्तो महसुस भयो ?
0.00%
0.00%
0.00%
0.00%
100.00%
0.00%
