ज्ञानमाण्डू। यस गरिमा विकास बैंकको अध्यक्ष पदमा मनोनित हुनुभएका श्री श्याम प्रसाद बस्यालले आज मिति २०७७ फाल्गुण ३ गते नेपाल राष्ट्र बैंकका डेपुटी गर्भनर श्री चिन्तामणी शिवाकोटीबाट पद तथा गोपिनियताको शपथ लिनुभएको छ । यस विकास बैंकको मिति २०७७ माघ ३० गते सम्पन्न १४औं वार्षिक साधारण सभाबाट संस्थापक शेयरधनी समूह ‘क’ को तर्फबाट श्री श्याम प्रसाद बस्याल, डा. आनन्द प्रसाद श्रेष्ठ र श्री दिपेन्द्र श्रेष्ठ तथा सर्वसाधारण शेयरधनी समूह ‘ख’ को तर्फबाट श्री विमल पाण्डे, श्री संजिव ढकाल र श्री सरस्वती पाठक संचालक पदमा निर्वाचित हुनुभएको छ ।
गरिमा विकास बैंक लिमिटेड राष्ट्रियस्तरको विकास बैंक हो । काठमाण्डौंको लाजिम्पाटमा केन्द्रीय कार्यालय रहेको यस विकास बैंकको हाल देशभर १०६ शाखा र ५१ वटा एटीएम संचालनमा छन ।
