ज्ञानमाण्डू।नेपाली बजारमा आज सुनको मूल्य प्रतितोला ४ सय रुपैयाँले बढेको छ । नेपाल सुनचाँदी व्यवसायी महासंघका अनुसार फागुन १७ गते, सोमबारका दिन छापावाला सुनको मूल्य तोलाको ८८ हजार ७ सय रुपैयाँ र तेजावी सुनको मूल्य प्रतितोला ८८ हजार २ सय ५० रुपैयाँ तोकिएको छ ।
आइतबार छापावाला सुनको मूल्य प्रतितोला ८८ हजार ३ सय रुपैयाँमा कारोबार भएको थियो भने तेजाबी सुन प्रतितोला ८७ हजार ८ सय ५० रुपैयाँमा कारोबार भएको थियो ।
सोमबार सुनको मूल्यमा वृद्धि भए संगै चाँदीको मूल्य पनि वृद्धि भएको महासंघले जनाएको छ । नेपाली बजारमा आज चाँदी प्रतितोला १ हजार ३ सय ३० रुपैयाँमा किनबेच हुँदैछ । आइतबार नेपाली बजारमा चाँदी प्रतितोला १ हजार ३ सय २५ रुपैयाँमा कारोबार भएको थियो । आज चाँदी तोलामा ५ रुपैयाँले वृद्धि भएको देख्न सकिन्छ ।
