ज्ञानमाण्डू। धितोपत्र बजारमा आज शेयर कारोबार मापक नेप्से परिसूचक दोहोरो अङ्कले घटेकाे छ । नेपाल स्टक एक्सचेञ्जका अनुसार नेप्से परिसूचक १५ दशमलव ५० अंकले घटेर २७२० दशमलव ४३ को विन्दुमा कायम भएको छ । यस्तै सेन्सेटिभ परिसूचक ५ दशमलव २२ अंकले घटेर ५१७ दशमलव ९३ को विन्दुमा पुगेको छ ।
आज कूल २२८ कम्पनीहरूका ६२ लाख ४७ हजार ७७४ कित्ता शेयर रु ३ अर्ब १३ करोड १२ लाख १० हजार २८१ मा खरिद बिक्री भए ।
कारोबार भएका कूल १३ उपसमूहहरू मध्य जलविद्युत उपसमूह ३५ दशमलव ६६ अङ्कले र सामूहिक लागनी कोष शुन्य दशमलव १३ अङ्कले बढेको छ। यता, बैंकिङ उपसमूह ९ दशमलव ६९ अङ्कले घट्दा ट्रेडिङ उपसमूह ३१ दशमलव २२ अङ्कले, होटल तथा पर्यटन उपसमूह ३१ अङ्कले, विकास बैंक उपसमूह ४०.९२ अङ्कले, वित्त उपसमूह १३.४ अङ्कले, निर्जीवन बीमा ११०.४६ अङ्कले, उत्पादन उपसमूह ८२.१२ अङ्कले, अन्य उपसमूह ४८.४३ अङ्कले, लघुवित्त उपसमूह २६.१३ अङ्कले, जीवन बीमा उपसमूह ८१.२६ अङ्कले र लगानी उपसमूह शुन्य दशमलव १५अङ्कले घटेका छन् ।
