रेसिङ सधैँ यामाहाको डिएनएको केन्द्रमा रहँदै आएको छ। आफ्ना मोटरसाइकलहरूको पर्फर्मेन्स, दिगोपन र यसमा प्रयोग हुने उन्नत इन्जीनियरिंगलाई कठिन परिस्थितिहरूमा प्रमाणित गर्न यामाहा नेपाल रेसिङमा संलग्न हुँदै आएको छ। यसै सन्दर्भमा यामाहा नेपाल टाइटल स्पन्सरका रूपमा प्रस्तुत भएको नेपाल रोड रेसिङ च्याम्पियनसिप (NRRC) २०२५ को फाइनल राउन्ड सम्पन्न भएको छ। यही २० डिसेम्बर २०२५ मा धुलिखेल रेस ट्र्याकमा रोमाञ्चक प्रतिस्पर्धासहित सम्पन्न भएको यस फाइनल राउन्डसँगै रेसिङ सिजनको सुखद समापन गरिएको थियो। प्रतियोगितामा देशका उत्कृष्ट मोटरसाइकल राइडरहरूका साथै ठुलो सङ्ख्यामा रेसिङ प्रेमी, मोटरस्पोर्ट समर्थक र उद्योग क्षेत्रका प्रतिनिधिहरूको सहभागिता रहेको थियो।

नेपालमा मोटरस्पोर्टसँग यामाहाको लामो समयदेखिको नाता रहँदै आएको छ। कम्पनीले वर्षौँदेखि सङ्गठित रेसिङ इभेन्ट, राइडर तालिम कार्यक्रम तथा NRRC जस्ता राष्ट्रिय स्तरका च्याम्पियनसिपलाई निरन्तर सहयोग गर्दै आएको छ। वान–मेक रेसिङ फर्म्याटहरू, प्राविधिक सहायता र प्रतिस्पर्धाका लागि व्यवस्थित प्लेटफर्म मार्फत यामाहाले व्यावसायिक रेसिङ संस्कृतिको विकास र स्थानीय राइडर प्रतिभाको पहिचान एवम् प्रवर्द्धनमा महत्त्वपूर्ण योगदान दिएको छ।

NRRC २०२५ मा नेशनल, नोभिस र वुमेन गरी तीन प्रतिस्पर्धात्मक श्रेणीहरू समावेश थिए। निष्पक्ष प्रतिस्पर्धा सुनिश्चित गर्न र राइडरको सीपमा केन्द्रित रहन सबै सहभागीहरूले यामाहा R15 मोटरसाइकल प्रयोग गरेका थिए। रेसिङ डिएनए, सन्तुलन र ट्र्याक–केन्द्रित इन्जिनियरिङका लागि परिचित R15 राष्ट्रिय तथा अन्तर्राष्ट्रिय रेसिङ सर्किटमा प्रमाणित प्रदर्शन दिँदै आएको मोडल हो। यसले राइडरहरूलाई स्पिड नियन्त्रण, कर्नरिंग र रेस रणनीतिमा आफ्नो कौशल देखाउने अवसर प्रदान गर्‍यो। सिङ्गल-बाइक फर्म्याटको प्रयोग पनि यामाहाको मेकानिकल फाइदाभन्दा प्रतिभा विकासलाई प्राथमिकता दिने रेसिङ प्लेटफर्मलाई सघाउने प्रतिबद्धता अनुरूप रहेको छ।

नेशनल श्रेणीमा धेरै पटक राष्ट्रिय च्याम्पियन रहिसकेका श्रीहरि पौडेलले उपाधि जित्दै ट्र्याकमा आफ्नो प्रभुत्व पुनः प्रमाणित गर्नुभयो। स्थिर ल्याप टाइम, सशक्त कर्नरिंग र उत्कृष्ट रेस समझदारीका साथ उहाँले प्रभावशाली प्रदर्शन गर्दै आफूलाई नेपालका सबैभन्दा सफल मोटरसाइकल राइडरमध्ये एकका रूपमा स्थापित गर्नुभयो।

नोभिस श्रेणीमा उदीयमान प्रतिभाहरूको प्रभावशाली उपस्थिति देखियो, जहाँ अभि रिसालले उत्कृष्ट प्रदर्शन गर्दै उपाधि जित्नुभयो। त्यसै गरी, वुमेन श्रेणीमा वर्षा बस्नेतले निर्णायक जित हात पार्दै मोटरस्पोर्टमा महिलाहरूको बढ्दो सहभागिता, आत्मविश्वास र दृढता प्रस्तुत गर्नुभयो। यी दुवै श्रेणीले भविष्यका च्याम्पियनहरू उत्पादन गर्ने र समावेशी रेसिङ वातावरण प्रवर्द्धन गर्ने NRRC को भूमिकालाई स्पष्ट रूपमा देखाएको छ।

NRRC २०२५ का विजेताहरूले आगामी अन्तर्राष्ट्रिय रेसिङ प्रतियोगिताहरूमा सहभागिता जनाउने अवसर पाउनेछन्, जसले उनीहरूलाई विश्व स्तरीय प्रतिस्पर्धाको अनुभव दिलाउनुका साथै अन्तर्राष्ट्रिय मञ्चमा नेपालको प्रतिनिधित्व गर्ने अवसर प्रदान गर्नेछ।

यस्ता महत्त्वपूर्ण च्याम्पियनसिप मार्फत यामाहाले नेपालमा व्यावसायिक रेसिङ इकोसिस्टम निर्माणमा केन्द्रीय भूमिका खेल्दै आएको छ। यस मार्फत सुरक्षित, प्रतिस्पर्धात्मक र सीप–केन्द्रित रेसिङ प्रवर्द्धन गर्दै स्थानीय राइडर प्रतिभाको विकास र देशभर मोटरस्पोर्टको स्तर उकास्न यामाहाको दीर्घकालीन प्रतिबद्धता निरन्तर जारी छ। यसले नेपाली राइडरहरूले विकास, प्रतिस्पर्धा र अन्तर्राष्ट्रिय सफलता हासिल गर्ने दिगो प्लेटफर्म निर्माण गर्न मद्दत गरिरहेको छ।