चालु आर्थिक वर्षको साउन महिनामै नेपाल प्रहरीले ६१ करोड ९ लाख रुपैयाँभन्दा बढी राजस्व सङ्कलन गरी सरकारी कोषमा दाखिला गरेको छ। प्रहरी प्रधान कार्यालय, नक्सालका अनुसार यो राजस्व हुन्डी नियन्त्रण, अदालती फैसला कार्यान्वयन, ट्राफिक नियम उल्लङ्घनमा कारबाही, अवैध सुन–चाँदी तथा मालसामान बरामद र अवैध पशुपक्षी नियन्त्रणलगायतका गतिविधिबाट आएको हो।
प्रहरीले गैर कानुनी गतिविधिहरू नियन्त्रण गर्दै सार्वजनिक सुरक्षामा योगदान गर्नुका साथै न्याय सम्पादन प्रक्रियामा सक्रियतापूर्वक संलग्न रहेर राजस्व वृद्धिमा महत्त्वपूर्ण भूमिका निर्वाह गरेको बताएको छ।
नेपाल प्रहरीले आगामी दिनमा अझ प्रविधिमुखी र परिणाममुखी शैलीमा कार्य गर्दै प्रभावकारी ढङ्गले अघि बढ्ने प्रतिबद्धता जनाएको छ।
पहिलो महिनामै नेपाल प्रहरीले ६१ करोडभन्दा बढी राजस्व सङ्कलन गर्यो
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
