नेपालमा सञ्चालित आठ राष्ट्रिय स्तर विकास बैङ्कहरूमध्ये शाइन रेसुङ्गा डेभलपमेण्ट बैङ्कले आर्थिक वर्ष (आ.व. ) २०७९/०८० सम्मको मुनाफाबाट सर्वाधिक लाभांश दिन सफल भएको छ । बैङ्कले आ.व. २०७९/०८० को मुनाफाबाट १० दशमलव ५ प्रतिशत बोनस शेयर र शून्य दशमलव ५५ प्रतिशतले हुन आउने रकम बराबरको नगद लाभांश (कर प्रयोजनको लागि ) गरी जम्मा ११ दशमलव ०५ प्रतिशत लाभांश आफ्ना शेयर धनीहरूलाई वितरण गर्ने प्रस्ताव यही मङ्सिर २३ गते पन्ध्रौँ वार्षिक साधारण सभा मार्फत पारित गरिसकेको छ ।
राष्ट्रिय स्तरका विकास बैङ्कमध्ये दोस्रोमा मुक्तिनाथ विकास बैङ्कले कुल १० दशमलव २६३२ प्रतिशत लाभांश वितरण गर्ने प्रस्ताव गरेको हो जसमा ९ दशमलव ७५ प्रतिशत बोनस शेयर र शून्य दशमलव ५१३२ प्रतिशत नगद लाभांश (कर प्रयोजनको लागि) रहेको छ भने तेस्रोमा गरिमा विकास बैङ्कले कुल १० प्रतिशतले हुन आउने लाभांश आफ्ना शेयर धनीहरूलाई वितरण गर्ने प्रस्ताव गरेको हो । जसमा ९ दशमलव ५० प्रतिशत बोनस शेयर र शून्य दशमलव ५० प्रतिशत नगद लाभांश (कर प्रयोजनको लागि) रहेको छ ।
_1703680803.png)
त्यस्तै लुम्बिनी विकास बैङ्कले कुल ८ दशमलव ५ प्रतिशत लाभांश प्रस्ताव गरेकोमा ४ प्रतिशत बोनस शेयर र ४ दशमलव ५० प्रतिशत नगद लाभांश रहेको छ । यता महालक्ष्मी विकास बैङ्कले ६ दशमलव ४ प्रतिशत नगद लाभांश र सांग्रिला डेभलपमेन्ट बैङ्कले ५ दशमलव २६३ प्रतिशत लाभांश प्रस्ताव गरेकोमा ५ प्रतिशत बोनस शेयर र शून्य दशमलव २६३ प्रतिशत नगद लाभांश (कर प्रयोजनको लागि) रहेको छ ।
कामना शेवा विकास बैङ्क र ज्योति विकास बैङ्कले भने गत आर्थिक वर्षको लागि कुनै पनि लाभांशको प्रस्ताव गरेका छैनन्।
राष्ट्रिय स्तरका विकास बैङ्कहरूमध्ये सर्वाधिक लाभांश दिनेमा शाइन रेसुङ्गा डेभलपमेण्ट बैङ्क
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
