माछापुच्छ्रे बैङ्क कोष प्रवर्द्धक र माछापुच्छ्रे क्यापिटल योजना व्यवस्थापक रहेको ‘माछापुच्छ्रे एसआईपी योजना’ अन्तर्गत २ करोड इकाई आजदेखि सर्वसाधारणका लागि बिक्री खुला भएको छ।
५ करोड इकाईमध्ये पहिलो चरणमा २ करोड इकाई मात्र निष्कासन गरिएको छ। जसमध्ये ७० लाख इकाई माछापुच्छ्रे बैङ्कका लागि र ५ लाख इकाई माछापुच्छ्रे क्यापिटलका लागि सुरक्षित राखिएको छ। बाँकी १ करोड २५ लाख इकाई सर्वसाधारणका लागि खुला रहनेछन्।
यो योजनामा मङ्सिर १४ देखि १७ गतेसम्म आवेदन दिन सकिनेछ। आवश्यक माग नभए आवेदन अवधि मङ्सिर २८ गतेसम्म लम्बिनेछ । न्यूनतम आवेदन १०० इकाई र अधिकतम २० लाख इकाई तोकिएको छ।
योजनाका लागि प्राप्त रेटिङअनुसार कोष प्रवर्द्धक माछापुच्छ्रे बैङ्कले ‘केयरएनपी ट्रिपल बी प्लस इस्यूअर’ रेटिङ पाएको छ भने योजना व्यवस्थापक माछापुच्छ्रे क्यापिटललाई ‘आईआरएन एएमसी क्वालिटी ३’ रेटिङ प्रदान गरिएको छ। धितोपत्र निष्कासन तथा बिक्री प्रबन्धकको जिम्मेवारी माछापुच्छ्रे क्यापिटलमै रहेको छ।
माछापुच्छ्रे एसआईपी योजना सर्वसाधारणका लागि खुला
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
