ज्ञानमाण्डू।किर्गिस्तानमा जारी नादेझ्दा कप अन्तर्गत दोस्रो खेलमा नेपालले आज उज्बेकिस्तान विरुद्ध खेल्नेछ । आइतबार भएको पहिलो खेलमा घरेलु टोली किर्गिस्तानलाई ८-२ ले पराजित गर्दै नेपाल ले सुखद सुरुवात गरिसकेको छ ।किर्गिस्तान विरुद्ध जितमा नेपालका लागि सावित्रा भण्डारीले ४, अनिता बस्नेतले २ तथा दीपा राई र कप्तान निरु थापाले १-१ गोल गरेका थिए । आज विजयी हुने टोलीले फाइनलमा स्थान बनाउने बलियो सम्भावना देखिन्छ ।
काराकोलस्थित सेन्ट्रल स्टेडियममा हुन गएको आजको खेलामा प्रतिस्पर्धी उज्बेकिस्तान विरुद्ध उत्रने नेपाली टोलीको प्लेईङ-११ सार्वजनिक भएको छ । नेपाल र उज्बेकिस्तानबीच आज खेल ११:४५ बजे सुरु हुनेछ । आज हुने यस खेलले फाइनल समीकरणको लागि महत्त्वपूर्ण भूमिका खेल्नेछ ।
नेपालको प्लेईङ- ११
गोलरक्षक : एन्जिला सुब्बा
डिफेन्डर : अमृता जैसी, पुनम जर्घा मगर, गीता राना, हिरा भुजेल
मिडफिल्डर : रेणुका नगरकोटी, अनिता बस्नेत, दीपा राई, मन्जली कुमारी योञ्जन
स्ट्राइकर : निरु थापा (कप्तान) , सावित्रा भण्डारी
