ज्ञानमाण्डू। नेपाल उद्योग वाणिज्य महासङ्घको निर्वाचनमा वरिष्ठ उपाध्यक्षका उम्मेदवार उद्यमी चन्द्रप्रसाद ढकालको प्रमुख लगानी रहेको चन्द्रागिरि हिल्सले धितोपत्र बोर्डबाट आइपिओ निष्कासनको लागि अनुमति पाएको छ । चन्द्रागिरि हिल्सले १८ करोड ४० लाख ९१ हजार बराबरको १८ लाख ४० हजार ९१० कित्ता प्राथमिक शेयर (आइपिओ) जारी गर्न धिताेपत्र बोर्डबाट अनुमति पाएको हो ।
प्रतिशेयर १ सय रुपैयाँ अङ्कित दरमा स्थानीय र सर्वसाधारणको लागि जारी पुँजीको १२ प्रतिशत बराबरको शेयर जारी गर्न लागेको चन्द्रागिरि हिल्सकाे बिक्री प्रबन्धकमा ग्लोबल आईएमई क्यापिटल रहेको छ । कम्पनीले आइपिओ निष्कासनका लागि जेठ २५ गते बोर्डमा आवेदन दिएको थियो ।
