ज्ञानमाण्डू।नवीनतम सेवा तथा सुविधा सहित गतिशील बैंकिङ्गको अभ्यास गर्दै आएको एन आई सी एशिया बैंकले विभिन्न विदेशी अनलाईन माध्यमहरूबाट खरिद गरिने सामग्री तथा सेवाको लागत रकम स्वदेशबाटै भुक्तानी गर्न सकिने सुविधा भएको प्रिपेड डलर कार्ड सार्वजनिक गरेको जानकारी दिएको छ । नेपाल राष्ट्र बैंकद्वारा जारी ‘अनलाईमार्फत विदेशबाट वस्तु तथा सेवा खरिद वापतको भुक्तानी गर्ने प्रयोजनको लागि परिवर्त्य विदेशी मुद्राको प्रिपेड कार्ड जारी गर्न सकिने सम्बन्धी सूचना’ लाई मध्यनजर गर्दै एन आई सी एशिया बैंकले अमेरिकी डलरमा आधारित प्रिपेड कार्डको व्यवस्था गरेको बैंकले थप जानकारी दिएको छ ।
VISA कार्डमा आधारित हुने यस कार्डमार्फत ग्राहक महानुभावहरूले वार्षिक अधिकतम ५०० अमेरिकी डलर बराबरको अनलाईन किनमेल गरी भारत र भुटान बाहेक विश्वका अन्य मुलुकमा भुक्तानी गर्न सक्नुहुने बैंकले उल्लेख गरेको छ ।
कार्ड प्राप्त गर्नका लागि ग्राहक महानुभावहरूको केवाइसी (KYC) विवरण अद्यावधिक गरिएको खातासँगै प्यान (PAN) कार्ड हुनुपर्ने बैंकले जानकारी दिएको छ । यस सुविधामार्फत एन आई सी एशिया बैंकका ग्राहक महानुभावहरूले स्वदेशमै रहेर पनि प्रतिष्ठित अन्तर्राष्ट्रिय ई–कमर्श प्लाटफर्म मार्फत किनमेल गर्न सहज हुने बैंकले विश्वास लिएको जनाएको छ ।
उक्त कार्ड जारी गर्दा बैंकले कार्ड शुल्क वापत निश्चित रकम लिने छ भने पहिलोपटक डलर लोड गर्दा निःशुल्क हुने व्यवस्था समेत गरेको बैंकले थप उल्लेख गरेको छ । ग्राहक महानुभावहरूले एकैपटक वा पटक–पटक गरी एक वर्षमा अधिकतम ५ सय अमेरिकी डलर बराबर सटही गरी कार्डमा लोड गर्न सक्नुहुने व्यवस्था गरिएको एन आई सी एशिया बैंकले यस प्रेस विज्ञप्तिद्वारा जानकारी दिएको छ ।
.jpg)
