ज्ञानमाण्डू। आर्थिक वर्ष २०७७/७८ को चौथो त्रैमासको वित्तीय विवरण सार्वजनिक गरेका दुई वटा वाणिज्य बैङ्कहरू सिटिजन्स् बैङ्क इन्टरनेशनल र नेपाल बंगलादेश बैङ्कलाई आ. व. २०७६/७७ र आ. व. २०७७/७८ को चौथो त्रैमासको वित्तीय विवरणका आधारमा एक आपसमा तुलना गर्ने प्रयास गरिएको छ ।
चुक्ता पुँजी: आ. व. २०७६/७७ को चौथो त्रैमासको तुलनामा, सिटिजन्स् बैङ्क इन्टरनेशनलको चुक्ता पुँजी ३८.३६ प्रतिशतले बढेर १२ अर्ब ५७ करोड रुपैयाँ पुगेको छ भने नेपाल बंगलादेश बैङ्कको चुक्ता पुँजी ५.९९ प्रतिशतले बढेर ९ अर्ब रुपैयाँ कायम भएको छ ।
निक्षेप संकलन: १ खर्ब ४० अर्ब रुपैयाँ निक्षेप सङ्कलन गरी सिटिजन्स् बैङ्क निक्षेप सङ्कलनमा नेपाल बंगलादेश बैङ्क भन्दा अगाडि रहेको छ । नेपाल बंगलादेश बैङ्कको निक्षेप सङ्कलन भने ८७ अर्ब १२ करोड रुपैयाँ रहेको छ । आ. व. २०७६/७७ को चौथो त्रैमासको तुलनामा सिटिजन्स् बैङ्कले ५८.९२ प्रतिशतले र नेपाल बंगलादेश बैङ्कले ३१.१५ प्रतिशतले निक्षेप सङ्कलनमा वृद्धि गरेको देखिन्छ ।
कर्जा लगानी: सिटिजन्स् बैङ्कले १ खर्ब १८ अर्ब रुपैयाँ कर्जा लगानी गर्दा नेपाल बंगलादेश बैङ्कले भने ६८ अर्ब ४८ करोड रुपैयाँ कर्जा लगानी गरेको छ । आ. व. २०७६/७७ को चौथो त्रैमासको तुलनामा सिटिजन्स् बैङ्कले आक्रामक रूपमा ५०.१३ प्रतिशतले कर्जा लगानीमा वृद्धि गरेको देखिन्छ भने नेपाल बंगलादेश बैङ्कले भने १५.८६ प्रतिशतले कर्जा लगानी बढाएको छ ।
खुद ब्याज आम्दानी: सिटिजन्स् बैङ्कले व्यवसाय विस्तारबाट नेपाल बंगलादेश बैङ्कले भन्दा बढी खुद ब्याज आम्दानी गरेको छ। सिटिजन्स् बैङ्कले ३ अर्ब ६० करोड रुपैयाँ र नेपाल बंगलादेश बैङ्कले २ अर्ब ६३ करोड खुद ब्याज आम्दानी गरेका छन् । गत आर्थिक वर्षको तुलनामा सिटिजन्स् बैङ्कले २५.०८ प्रतिशतको खुद ब्याज आम्दानी वृद्धि हासिल गर्दा नेपाल बंगलादेश बैङ्कले ७.५० प्रतिशतले खुद ब्याज आम्दानी घटाएको देखिन्छ ।
नाफा: नेपाल बंगलादेश बैङ्कले २ अर्ब २९ करोड रुपैयाँ नाफा कमाउन सफल भएको छ भने सिटिजन्स् बैङ्कले १ अर्ब ५९ करोड रुपैयाँ नाफा कमाएको देखिन्छ । गत आर्थिक वर्षको तुलनामा नेपाल बंगलादेश बैङ्कले ८४.१७ प्रतिशतले नाफा वृद्धि गर्दा सिटिजन्स् बैङ्कले ३३.४० प्रतिशतले नाफा वृद्धि गर्न सफल भएको छ ।
जगेडा कोष: नेपाल बंगलादेश बैङ्कले जगेडा काेषलाई २६.७६ प्रतिशतले बढाएर ४ अर्ब ७६ करोड रुपैयाँ कायम गरेको छ भने सिटिजन्स् बैङ्कले जगेडा काेषलाई ३०.२२ प्रतिशतले बढाएर ४ अर्ब ४१ करोड रुपैयाँ पुर्याएकाे छ।
सञ्चित मुनाफा: नेपाल बंगलादेश बैङ्कको सञ्चित मुनाफा १ अर्ब ५९ करोड रुपैयाँ रहेको छ भने सिटिजन्स् बैङ्कको सञ्चित मुनाफा १ अर्ब ६८ करोड रुपैयाँ रहेको छ ।
वितरण योग्य मुनाफा: सिटिजन्स् बैङ्कको वितरण योग्य मुनाफा १ अर्ब ५७ करोड रुपैयाँ रहेको छ भने नेपाल बंगलादेश बैङ्कको १ अर्ब ४७ करोड रुपैयाँ वितरण योग्य मुनाफा रहेको छ ।
निष्क्रिय कर्जा: नेपाल बंगलादेश बैङ्कको निष्क्रिय कर्जा सिटिजन्स् बैङ्कको भन्दा कम १ दशमलव ५५ प्रतिशत देखिन्छ भने सिटिजन्स् बैङ्कको २ दशमलव ७७ प्रतिशत निष्क्रिय कर्जा देखिन्छ ।
प्रति शेयर आम्दानी: सिटिजन्स् बैङ्कको प्रति शेयर आम्दानी १२ रुपैयाँ ७१ पैसा रहेको छ भने नेपाल बंगलादेश बैङ्क प्रति शेयर आम्दानी २५ रुपैयाँ ४६ पैसा सहित अघि छ ।
मूल्य आम्दानी अनुपात: पछिल्लो कारोबार मूल्यको आधारमा नेपाल बंगलादेश बैङ्कको मूल्य आम्दानी अनुपात १९.१३ गुणा छ भने सिटिजन्स् बैङ्कको मूल्य आम्दानी अनुपात ३१.९८ गुणा रहेको छ ।
Disclaimer: This analysis done from the publicly available data is for educational purpose only. Contents of this post is strictly prohibited for Stock Trading purpose.
