सरकारको आम्दानी र खर्चमा असन्तुलन देखिएको छ । चालू आर्थिक वर्षको तथ्याङ्क हेर्दा सङ्कलित राजश्वले चालू खर्च मात्रै धान्न धौ धौ पर्ने देखिएको छ ।
साउन देखि फाल्गुन ३० गते सम्म विकास खर्च धेरै कम मात्र भएको देखिन्छ । यो अवधिमा विकास खर्च वार्षिक लक्ष्यको १९.२४ प्रतिशत मात्र भएको हो । यो आर्थिक वर्ष सकिन चार महिना मात्रै बाँकी हुँदा सरकारले ७ खर्ब ६५ अर्ब रुपैयाँ आम्दानी गरेको छ भने खर्च ९ खर्ब २६ अर्ब रुपैयाँ नाघेको छ।
चालू आर्थिक वर्षको हालसम्म विकास खर्च ७८ अर्ब ४८ करोड ८८ लाख रुपैयाँ भएको छ । सरकारले यस वर्ष विकास खर्च ४ खर्ब ७ अर्ब ८८ करोड ८० लाख रुपैयाँ विनियोजन गरेको थियो । फाल्गुन ३० गतेसम्म सरकारको कुल ४७.१८ प्रतिशत बजेट खर्च भएको छ । यता चालू खर्च भने ५४.३७ प्रतिशत भइसकेको छ।
सरकारले यो वर्ष १४ खर्ब ८० अर्ब रुपैयाँ राजस्व सङ्कलनको लक्ष्य राखेकोमा अहिलेसम्म रु. ७ खर्ब ४७ अर्ब २८ करोड सङ्कलन भएको छ जुन राजस्व सङ्कलन लक्ष्यको ५०.४९ प्रतिशत मात्रै हो।
८ महिनामा मुस्किलले विकास खर्च वार्षिक लक्ष्यको १९.२४% मात्रै
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
