धितोपत्र बजारमा आज शेयर कारोबार मापक नेप्से परिसूचक एकल अङ्कले बढेको छ । नेपाल स्टक एक्सचेन्जका अनुसार नेप्से परिसूचक ४ दशमलव १९ अङ्कले बढेर २६३० दशमलव ७१ को विन्दुमा कायम भएको छ। यस्तै सेन्सेटिभ परिसूचक २ दशमलव ३० अङ्कले बढेर ४५१ दशमलव ४५ को विन्दुमा पुगेको छ ।
आज कूल ३१० कम्पनीहरूका २ करोड ९ लाख ७८ हजार ९७९ कित्ता शेयर रु. ५ अर्ब ३२ करोड ९२ लाख ७४ हजार ४५४ मा खरिद बिक्री भए ।
कारोबार भएका कूल १३ उपसमूहहरू मध्य विकास बैङ्क उपसमूह १३६ दशमलव ९६ अङ्कले, वित्त उपसमूह ८५ दशमलव ३० अङ्कले, होटेल तथा पर्यटन उपसमूह ५०.७४ अङ्कले, जलविद्युत उपसमूह ४५.३८ अङ्कले, जीवन बिमा उपसमूह ३८.१७ अङ्कले, उत्पादन उपसमूह ५.५१ अङ्कले, सामूहिक लगानी कोष शून्य दशमलव ०४ अङ्कले, निर्जीवन बिमा ३३.४९ अङ्कले र अन्य उपसमूह ३.१३ अङ्कले घटेका छन् । यता, बैङ्किङ उपसमूह २५ दशमलव ४६ अङ्कले बढ्दा लगानी उपसमूह शून्य दशमलव २७ अङ्कले, लघुवित्त उपसमूह ७.१९ अङ्कले र ट्रेडिङ उपसमूह १०६.७० अङ्कले बढेका छन् ।
