धितोपत्र बजारमा आज शेयर कारोबार मापक नेप्से परिसूचक दोहोरो अङ्कले बढेको छ । नेपाल स्टक एक्सचेन्जका अनुसार नेप्से परिसूचक ३८ दशमलव १४ अङ्कले बढेर २०६० दशमलव ४९ को विन्दुमा कायम भएको छ। यस्तै सेन्सेटिभ परिसूचक ९ दशमलव ५६ अङ्कले बढेर ३९० दशमलव ६३ को विन्दुमा पुगेको छ ।
आज कूल ३०५ कम्पनीहरूका २ करोड १४ लाख ९७ हजार ६१९ कित्ता शेयर रु. ६ अर्ब ८६ करोड ८१ लाख ७७ हजार ५६५ मा खरिद बिक्री भए ।
कारोबार भएका कूल १३ उपसमूहहरू मध्य जलविद्युत उपसमूह ७.८३ अङ्कले घटेको छ । यता, बैङ्किङ उपसमूह २४ दशमलव ४५ अङ्कले बढ्दा विकास बैङ्क उपसमूह ७३ दशमलव १३ अङ्कले, वित्त उपसमूह ४६ दशमलव ८१ अङ्कले, होटेल तथा पर्यटन उपसमूह १७९.५० अङ्कले, लगानी उपसमूह उपसमूह २.२८ अङ्कले, जीवन बिमा उपसमूह १०५.७८ अङ्कले, उत्पादन उपसमूह १४६.४९ अङ्कले, लघुवित्त उपसमूह १९७.०२ अङ्कले, सामूहिक लगानी कोष शून्य दशमलव ३१ अङ्कले, निर्जीवन बिमा १३.५३ अङ्कले, अन्य उपसमूह २५.५३ अङ्कले र ट्रेडिङ उपसमूह २४.०८ अङ्कले बढेका छन् ।
धितोपत्र बजारमा ३८.१४ अङ्कको वृद्धि, नेप्से २०६०.४९ को विन्दुमा
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
