एनएमबि लघुवित्त लिमिटेडले वैशाख १५ गते (आज) दसौँ वार्षिक साधारण सभा गर्दै छ । कम्पनीले साधारण सभा सिटि स्क्वायर प्रा.लि, न्यूराेड, पोखरा (भाटभटेनी सुपरमार्केट अगाडि) कास्कीमा दिउँसो १२:३० बजे देखि आरम्भ हुने जानकारी दिएको छ।
सभाले सञ्चालक समितिको तर्फबाट पेस हुने आर्थिक वर्ष (आ.व) २०७८/०७९ को वार्षिक प्रतिवेदन उपर छलफल गरी पारित गर्ने छ । त्यसै गरी लेखापरीक्षककाे प्रतिवेदन सहितको आ.व २०७८/०७९ को वार्षिक विवरण उपर छलफल गरी पारित गर्ने, आ.व २०७९/०८० को लागि लेखापरीक्षक नियुक्त गर्ने र निजको पारिश्रमिक तोक्ने प्रस्ताव पारित गर्ने छ ।
त्यसै गरी सभाले सञ्चालक समितिले प्रस्ताव गरे बमोजिम चुक्ता पुँजीको १० प्रतिशतका दरले हुन आउने रकम रु. ६ करोड ५५ लाख ८६ हजार २८६ रुपैयाँ २० पैसा बराबरको बोनस शेयर र ०.५२६३ प्रतिशतका दरले हुन आउने रकम रु. ३४ लाख ५१ हजार ९०९ रुपैयाँ ८० पैसा बराबरको नगद लाभांश (कर प्रयोजनसहित) वितरणको प्रस्ताव पनि पारित गर्ने छ ।
सभाले यस लघुवित्त वित्तीय संस्था लिमिटेडले नेपाल राष्ट्र बैङ्कबाट इजाजत पत्र प्राप्त "घ" वर्गका अन्य लघुवित्त वित्तीय संस्थासँग गाभ्ने, गाभिने तथा प्राप्ति (एक्विजिशन) सम्बन्धी प्रक्रिया अगाडि बढाउन उपयुक्त देखिएमा सो प्रयोजनका लागि समिति गठन गर्ने, मूल्याङ्कनकर्ताको नियुक्ति गर्ने र निजको पारिश्रमिक तोक्ने तथा गाभ्ने, गाभिने तथा प्राप्ति सम्बन्धी सम्झौता पत्रमा हस्ताक्षर गर्ने लगायतका सम्पूर्ण कार्य गर्ने अख्तियारी सञ्चालक समिति वा समितिले तोकेको पदाधिकारीलाई प्रदान गर्ने प्रस्ताव पनि पारित गर्नेछ ।
कम्पनीले साधारण सभाको प्रयोजनको लागि चैत्र १७ गते देखि वैशाख १५ गतेसम्मको लागि बुक क्लोज गरिसकेको छ। सो आधारमा चैत्र १६ गतेसम्म कायम शेयरधनीले साधारण सभामा भाग लिन सक्नेछन् ।
एनएमबि लघुवित्तले आज दसौँ वार्षिक साधारण सभा गर्दै
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
