घलेम्दी हाईड्राे लिमिटेडले यही वैशाख १६ गते नवौँ वार्षिक साधारण सभा गर्ने भएको छ।कम्पनीले वार्षिक साधारण सभाको प्रयोजनको लागि वैशाख ०७ गते एक दिनको लागि बुक क्लोज गर्ने जानकारी दिएको छ । सो आधारमा वैशाख ०६ गतेसम्म (आज सम्म) कायम शेयरधनीले वार्षिक साधारण सभामा भाग लिन सक्नेछन् ।
कम्पनीले वार्षिक साधारण सभा सासा ब्याङ्केट, नयाँबजार, काठमाण्डाैँमा बिहान १०:३० बजे देखि आरम्भ हुने जानकारी दिएको छ।
सभाले सञ्चालक समितिको तर्फबाट पेस हुने आर्थिक वर्ष (आ.व) २०७८/०७९ को वार्षिक प्रतिवेदन उपर छलफल गरी पारित गर्ने छ । त्यसै गरी लेखापरीक्षककाे प्रतिवेदन सहितको आ.व २०७८/०७९ को वार्षिक विवरण उपर छलफल गरी पारित गर्ने, आ.व २०७९/०८० को लागि लेखापरीक्षक नियुक्त गर्ने र निजको पारिश्रमिक तोक्ने प्रस्ताव पारित गर्ने छ ।
त्यस्तै सभाले कम्पनीको १:२ हकप्रद शेयर निष्कासन गरी छुजुङ्ग खोला जलविद्युत आयोजनामा ६३ मे.वा. (PRoR) लगानी गर्ने सञ्चालक समितिको निर्णय अनुमोदन गर्ने विशेष प्रस्ताव पारित गर्ने छ ।
आजसम्म कायम शेयरधनीले घलेम्दी हाईड्राेकाे वार्षिक साधारण सभामा भाग लिन पाउने
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
