धितोपत्र बजारमा आज शेयर कारोबार मापक नेप्से परिसूचक दोहोरो अङ्कले घटेकाे छ । नेपाल स्टक एक्सचेञ्जका अनुसार नेप्से परिसूचक १६ दशमलव ०६ अंकले घटेर १८५५ दशमलव १६ को विन्दुमा कायम भएको छ । यस्तै सेन्सेटिभ परिसूचक ३ दशमलव २१ अंकले घटेर ३६३ दशमलव ६३ को विन्दुमा पुगेको छ ।
आज कूल २२९ कम्पनीहरूका १७ लाख ६८ हजार ६९२ कित्ता शेयर रु ५५ करोड २८ लाख ९ हजार ९८४ मा खरिद बिक्री भए ।
कारोबार भएका कूल १३ उपसमूह मध्य ट्रेडिङ उपसमूह शुन्य दशमलव ८ अङ्कले, होटल तथा पर्यटन उपसमूह शुन्य दशमलव ८ अङ्कले र सामूहिक लगानी कोष शुन्य दशमलव ०४ अङ्कले बढेकाे छ। यता, बैंकिङ उपसमूह ९ दशमलव ७१ अङ्कले घट्दा विकास बैंक उपसमूह ४३.२ अङ्कले, जलविद्युत उपसमूह १५.८ अङ्कले, वित्त उपसमूह १३.०८ अङ्कले, निर्जीवन बीमा ७०.७९ अङ्कले, उत्पादन उपसमूह ३६.०३ अङ्कले, अन्य उपसमूह १५.९५ अङ्कले, लघुवित्त उपसमूह १७.६७ अङ्कले, जीवन बीमा उपसमूह १२३.७५ अङ्कले र लगानी उपसमूह शुन्य दशमलव ७९ अङ्कले घटेका छन् ।
