अपि पावर पावर कम्पनी लिमिटेडले हकप्रद शेयर श्रावण ३१ देखि जारी गर्दै छ। कम्पनीको हाल कायम चुक्ता पुँजी रु. ४ अर्ब १३ करोड ३२ लाख ८४ हजार २१२ रुपैयाँको १ शेयर बराबर नयाँ ०.४० शेयर (१:०.४०) को अनुपातमा कम्पनीले हकप्रद शेयरको निष्कासन गर्दै छ।
सो कम्पनीले प्रति शेयर रु.१०० अङ्कित दरको १ करोड ६५ लाख ३३ हजार १३७ कित्ता हकप्रद साधारण शेयरको निष्कासन तथा विक्री खुल्ला गर्दै छ।
सो कम्पनीको हकप्रद शेयरको निष्कासन बन्द हुने मिति भाद्र १९ गते रहेको छ।
अपि पावर कम्पनी लिमिटेडको हकप्रद शेयर प्रयोजनका लागि असार २१ गतेसम्म कायम शेयरधनीहरुले मात्र उक्त हकप्रद शेयरमा आवेदन दिन योग्य हुनेछन्।
कम्पनीको हकप्रद शेयर खरिद गर्नको निम्ति आवेदकले नेपाल धितोपत्र बोर्डबाट अनुमति लिई आस्वा सेवामा सहभागी बैङ्क तथा वित्तीय संस्थाहरू र तिनका तोकिएका शाखा कार्यालयहरूबाट सी- आस्वा प्रणाली मार्फत आवेदन पेस गर्न सक्नेछन्।
सो कम्पनीको धिताेपत्र निष्कासन तथा बिक्री प्रबन्धक मुक्तिनाथ क्यापिटल लिमिटेड रहेको छ।
अपि पावर कम्पनी लिमिटेडले श्रावण ३१ गतेदेखि हकप्रद शेयर जारी गर्दै
यो खबर पढेर तपाईलाई कस्तो महसुस भयो ?
0%
0%
0%
0%
0%
0%
